లక్నో: ఐపీఎల్-2025 కోసం లక్నో సూపర్ జెయింట్స్ (ఎల్‌ఎస్‌జీ)కు రిషభ్‌ పంత్‌ను కెప్టెన్‌గా నియమించినట్లు యాజమాని సంజీవ్ గోయెంకా ప్రకటించారు.
ఇటీవల జరిగిన మెగా వేలంలో పంత్‌ను రూ.27 కోట్లకు ఎల్‌ఎస్‌జీ కొనుగోలు చేయడం విశేషం. ఇదే ఐపీఎల్ చరిత్రలో అత్యధిక బిడ్డింగ్‌గా నిలిచింది.
గతంలో ఢిల్లీ క్యాపిటల్స్‌ (డీసీ)కు కెప్టెన్‌గా వ్యవహరించిన పంత్, ఈ సీజన్‌లో కొత్త ఫ్రాంచైజీకి నాయకత్వం వహించనున్నాడు.
డీసీ కెప్టెన్‌గా 2021, 2022, 2024లో తన ప్రతిభను చూపించిన పంత్, 2023లో గాయాల కారణంగా సీజన్‌ను కోల్పోయాడు.
ఎల్‌ఎస్‌జీ జట్టుకు కేఎల్‌ రాహుల్, నికోలస్ పూరన్, కృనాల్ పాండ్యా తర్వాత కెప్టెన్‌గా వ్యవహరించబోయే నాల్గవ ఆటగాడిగా పంత్ నిలుస్తున్నాడు.
పంత్ మెంటార్ జహీర్ ఖాన్‌, ప్రధాన కోచ్ జస్టిన్ లాంగర్‌ నేతృత్వంలో జట్టును ముందుకు నడిపించనున్నాడు.
లక్నో జట్టు పంత్‌తో పాటు నికోలస్ పూరన్, డేవిడ్ మిల్లర్‌, మిచెల్ మార్ష్‌ వంటి స్టార్లతో బలంగా ఉంది. బౌలింగ్‌లో అవేశ్ ఖాన్‌, మయాంక్ యాదవ్‌, రవి బిష్ణోయ్‌ వంటి టాలెంటెడ్ ప్లేయర్లతో జట్టు సమతూకంగా ఉంది.
2022, 2023లో ప్లేఆఫ్‌లకు చేరిన ఎల్‌ఎస్‌జీ, 2024లో నిరాశ ఎదుర్కొంది. ఈసారి పంత్ నాయకత్వంలో జట్టు విజయాల పునరావృతం కోసం సిద్ధమైంది.