ఆంధ్రప్రదేశ్: ఏపీలో రాజ్యసభ పోరు మొదలు
వైఎస్సార్‌ కాంగ్రెస్‌ పార్టీ సభ్యుల రాజీనామాలతో ఖాళీ అయిన మూడు రాజ్యసభ స్థానాలకు ఉపఎన్నికల నోటిఫికేషన్ జారీ చేసింది కేంద్ర ఎన్నికల సంఘం.
ఈ సీట్ల కోసం ఏపీలో మరోసారి రాజకీయ వేడి మొదలైంది. డిసెంబర్ 3 నుంచి 10 వరకు నామినేషన్లను స్వీకరించి, డిసెంబర్ 20న పోలింగ్ నిర్వహించి అదే రోజు ఫలితాలు ప్రకటించనుంది ఈసీ.
వైసీపీ ప్రస్తుత అసెంబ్లీ బలం కేవలం 11 మాత్రమే కావడంతో ఈ రేసులో పోటీ చేసే అవకాశమే లేదు.
దీనితో ఈ మూడు స్థానాలపై టీడీపీ, బీజేపీ, జనసేన కూటమి ప్రధాన ఫోకస్ పెట్టింది. ఏం కూటమి పార్టీలు మూడు సీట్లను ఎలా పంపిణీ చేసుకుంటాయన్న దానిపై ఆసక్తి నెలకొంది.
కూటమి వ్యూహం: టీడీపీ-జనసేన-బీజేపీ పొత్తులో ఏ మార్గం?
ఎన్నికల్లో అగ్రస్థానంలో ఉన్న టీడీపీ, ఇప్పటివరకు రాజ్యసభలో ప్రాతినిధ్యం లేకుండా పోయింది.
ఈ క్రమంలో తిరిగి రాజ్యసభలో అడుగుపెట్టేందుకు టీడీపీ కీలక ప్లాన్ వేస్తోంది.
గుంటూరు ఎంపీ పదవికి రాజీనామా చేసిన గల్లా జయదేవ్‌, అలాగే సీనియర్ నేత కంభంపాటి రామ్మోహన్ లాంటి నాయకులు రాజ్యసభ సీట్ల కోసం రేసులో ఉన్నారు.
మరోవైపు, మాజీ రాజ్యసభ సభ్యుడు బీద మస్తాన్ రావు కూడా తనకు మరో అవకాశం ఇవ్వాలని టీడీపీని కోరుతున్నట్టు తెలుస్తోంది.
జనసేన ఆకాంక్ష: మెగా బ్రదర్ నాగబాబుకు అవకాశం?
జనసేన ఇప్పటికే ఏపీ అసెంబ్లీ, మండలి, లోక్‌సభలో ప్రాతినిధ్యం కలిగి ఉండగా, ఇప్పుడు రాజ్యసభలో అడుగు పెట్టేందుకు ఆసక్తి చూపిస్తోంది.
అనకాపల్లి సీటు జనసేన కోసమే త్యాగం చేసిన మెగా బ్రదర్ నాగబాబుకు రాజ్యసభ సీటు ఇవ్వాలని జనసేన వర్గాలు కోరుతున్నాయి.
మరోవైపు టీడీపీకి చెందిన సానా సతీష్ జనసేన కోటా ద్వారా రాజ్యసభలోకి వెళ్ళాలనే ఆలోచన ఉంది.
బీజేపీ ఆశ: కిరణ్ కుమార్ రెడ్డికి సీటు?
బీజేపీ కూడా మిత్రధర్మంలో భాగంగా ఏపీ కోటా నుంచి ఒక రాజ్యసభ సీటు కోరుతోంది.
పార్టీలో చేరినప్పుడే కిరణ్ కుమార్ రెడ్డికి ఈ హామీ ఇచ్చినట్టు సమాచారం. అటు కేంద్రమాజీ మంత్రి సుజనా చౌదరి పేరు కూడా రాజ్యసభ రేసులో వినిపిస్తోంది.
అయితే, వీరిలో ఎవరు కూటమి అభ్యర్థిగా నిలవనున్నారన్నది ఆసక్తికరంగా మారింది.
మూడో సీటుకు తక్కువ ఆసక్తి: వయాదా కారణం
మోపిదేవి వెంకటరమణ ఖాళీ చేసిన సీటుకు గడువు 2026 వరకే ఉండడంతో, దానిపై ఆశావాహులు తక్కువ ఆసక్తి చూపుతున్నారు.
మిగిలిన రెండు సీట్లకు మాత్రం 2028 వరకూ గడువు ఉంది. అందువల్ల కూటమి పార్టీలు ప్రధానంగా ఈ రెండు సీట్లపైనే దృష్టి పెట్టినట్టు తెలుస్తోంది.
రాజ్యసభ పోరు తీర్పు ఎవరికి?
ఆఖరికి ఈ పోరులో ఎవరు విజేతలుగా నిలుస్తారన్నది తెలియాలంటే డిసెంబర్ 20 వరకు వేచి చూడాల్సిందే.
అయితే, కూటమిలో ఏ పార్టీకి, ఏ సీటు దక్కనుందో అన్న అంశంపై ఇంకా చర్చలు జరుగుతూనే ఉన్నాయి.