మూవీడెస్క్: మెగాస్టార్ చిరంజీవి ప్రస్తుతం తన కొత్త చిత్రం విశ్వంభర షూటింగ్‌లో బిజీగా ఉన్నారు.
పీరియాడికల్ బ్యాక్‌డ్రాప్‌లో తెరకెక్కుతున్న ఈ సినిమాను డైరెక్టర్ వశిష్ట డైరెక్ట్ చేస్తున్నారు.
బింబిసారతో హిట్ అందుకున్న వశిష్ట ఈ చిత్రంలో చిరంజీవి నటనతో పాటు విశేషమైన విజువల్ ఎఫెక్ట్స్ ద్వారా ప్రేక్షకుల్ని ఆకట్టుకోవాలని భావిస్తున్నారు.
ఇప్పటికే టీజర్ విడుదలైనప్పటికీ, వీఎఫ్‌ఎక్స్‌పై మిశ్రమ స్పందన రావడంతో చిరంజీవి స్వయంగా కొన్ని మార్పులు సూచించినట్లు సమాచారం.
ఈ సినిమాను సంక్రాంతికి విడుదల చేయాలని నిర్ణయించినప్పటికీ, షూటింగ్ ఇంకా పెండింగ్ ఉండడంతో విడుదల వాయిదా వేశారు.
ప్రస్తుతం ఈ ప్రాజెక్ట్ కోసం చిరంజీవి జపాన్‌కు వెళ్లేందుకు సిద్దమయ్యారు.
జపాన్‌లో 10 రోజుల షెడ్యూల్ ప్లాన్ చేశారు, ఇందులో ప్రధాన తారాగణంతో కీలక సన్నివేశాలను షూట్ చేయనున్నారు.
మెగాస్టార్ నుంచి వచ్చిన ఈ కొత్త చిత్రంపై అభిమానులు భారీ అంచనాలు పెట్టుకున్నారు.
సుమారు రూ. 200 కోట్ల బడ్జెట్‌తో తెరకెక్కిస్తున్న ఈ చిత్రానికి ఎం. ఎం. కీరవాణి సంగీతం అందిస్తున్నారు.
విశ్వంభరను సమ్మర్ కానుకగా మే 9న విడుదల చేయనున్నట్లు టాక్.