fbpx
Thursday, April 3, 2025
HomeMovie Newsటాలీవుడ్ ఎంట్రీకి సిద్ధమైన ధృవ్ విక్రమ్!

టాలీవుడ్ ఎంట్రీకి సిద్ధమైన ధృవ్ విక్రమ్!

చియాన్ విక్రమ్ తనయుడు ధృవ్ విక్రమ్ టాలీవుడ్ ఎంట్రీకి సన్నాహాలు చేస్తున్నట్లు సమాచారం. తమిళంలో ఆదిత్య వర్మ సినిమాతో నటనలో మంచి మార్కులు తెచ్చుకున్నా, బాక్సాఫీస్ వద్ద పెద్ద హిట్ మాత్రం అందుకోలేకపోయాడు. మహాన్ సినిమాతో ఓటీటీలో మంచి పేరు తెచ్చుకున్నా, ఇంకా పెద్ద బ్రేక్ దక్కలేదు.

తాజాగా, ధృవ్ టాలీవుడ్ ఎంట్రీపై ఫోకస్ పెంచినట్లు తెలుస్తోంది. ప్రభాస్ రాధేశ్యామ్ దర్శకుడు రాధాకృష్ణతో ఆయన చర్చలు జరిపినట్లు కోలీవుడ్ వర్గాలు చెబుతున్నాయి. రీసెంట్‌గా రాధాకృష్ణ చెన్నై వెళ్లి ధృవ్‌ని కలిసి ప్రాజెక్ట్‌పై డిస్కషన్ చేసినట్లు సమాచారం.

ప్రస్తుతం కోలీవుడ్ నుంచి చాలా మంది హీరోలు తెలుగు మార్కెట్‌ను టార్గెట్ చేస్తున్నారు. విజయ్, ధనుష్, సూర్య, శివ కార్తికేయన్ లాంటి హీరోలు ఇప్పటికే టాలీవుడ్‌లో క్రేజ్ సంపాదించారు. ఇదే దారిలో ధృవ్ కూడా అడుగులు వేస్తున్నట్లు టాక్.

తెలుగు ప్రేక్షకులను ఆకట్టుకోవాలంటే కంటెంట్‌తో పాటు స్ట్రాంగ్ ప్రమోషన్ కూడా కీలకం. మంచి కథ, డైరెక్టర్‌తో టాలీవుడ్ ఎంట్రీ ఇస్తే, ధృవ్‌కి మంచి సక్సెస్ రావొచ్చు.

ఇప్పుడు అందరి దృష్టి ధృవ్ అధికారిక ప్రకటన మీదే. త్వరలోనే ఈ ప్రాజెక్ట్‌పై స్పష్టత రానుందా? లేక ఇంకా ఆలస్యం అవుతుందా? అన్నది చూడాలి.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

Most Popular