మూవీడెస్క్: అక్కినేని నాగ చైతన్య హీరోగా నటిస్తున్న తాజా చిత్రం తండేల్ పైన అంచనాలు గట్టిగానే ఉన్నాయి. ఈ చిత్రం పాన్ ఇండియా స్థాయిలో విడుదలకు సిద్ధమవుతోంది.
గీతా ఆర్ట్స్ 2 బ్యానర్‌పై బన్నీ వాస్ ఈ చిత్రాన్ని నిర్మిస్తుండగా, చందు మొండేటి దర్శకత్వం వహిస్తున్నారు.
నాగ చైతన్య ఈ సినిమాలో ‘రాజు’ అనే ఫిషర్‌మెన్ పాత్రలో కనిపించనున్నాడు. ఈ పాత్ర కోసం అతడు భారీగా హోమ్ వర్క్ చేసినట్లు చెప్పాడు.
శ్రీకాకుళం యాసను నేర్చుకోవడంతో పాటు, అక్కడి ప్రజల జీవన విధానాన్ని పూర్తిగా అర్థం చేసుకొని తన పాత్రలో జీవించాడు.
హైదరాబాద్ లో ప్రస్తుతం ఈ సినిమా షూటింగ్ జరుగుతోంది. సినిమా కోసం భారీ సెట్‌ను రూపొందించారు, ఇందులో ముఖ్యంగా శివుడి సెట్ పెద్ద ఆకర్షణగా నిలుస్తోంది.
ఈ సెట్ దృశ్యాలు సీరియస్ గా గ్రాండ్ గా ఉండేలా తీర్చిదిద్దినట్లు స్పష్టంగా కనిపిస్తోంది. బన్నీ వాస్ ఈ సెట్ లోని కొన్ని ఫోటోలను షేర్ చేస్తూ, మూవీపై మంచి అంచనాలు పెంచారు.
ఈ సినిమాలో సాయి పల్లవి కీలక పాత్రలో నటిస్తోంది, ఆమె పాత్ర అత్యంత ఎమోషనల్ గా ఉంటుందని సమాచారం.
రాక్ స్టార్ దేవిశ్రీ ప్రసాద్ సంగీతం అందిస్తున్న ఈ చిత్రంలో సాంగ్స్ ఇప్పటికే భారీగా హిట్ అవ్వడమే కాకుండా, బ్యాక్‌గ్రౌండ్ స్కోర్ కూడా ఆకట్టుకునేలా ఉండనుందని టాక్.
ఇక తండేల్ సినిమాను డిసెంబర్ లో విడుదల చేసేందుకు మేకర్స్ సన్నాహాలు చేస్తున్నారు.