మూవీడెస్క్: అక్కినేని నాగచైతన్య, సాయి పల్లవి జంటగా నటించిన తండేల్ (THANDEL) సినిమా రోజు రోజుకూ మరింత క్రేజ్‌ను సంపాదించుకుంటూ, అంచనాలను తారాస్థాయికి తీసుకెళుతోంది.
చందూ మొండేటి దర్శకత్వంలో తెరకెక్కిన ఈ సినిమా సముద్రం నేపథ్యంలో సాగే భావోద్వేగ ప్రధాన కథను ముందుకు తీసుకువస్తోంది.
రియల్ ఇన్సిడెంట్ ఆధారంగా తెరకెక్కిన ఈ చిత్రం యాక్షన్, లవ్, ఎమోషన్స్ మేళవింపుతో ప్రేక్షకులను రంజింపజేయనుంది.
ఇప్పటికే విడుదలైన పాటలు, టీజర్, ట్రైలర్ ప్రేక్షకుల్ని విశేషంగా ఆకట్టుకున్నాయి.
ముఖ్యంగా దేవిశ్రీ ప్రసాద్ సంగీతం ఈ సినిమాకు మరో పెద్ద ప్లస్ పాయింట్‌గా మారింది.
బుజ్జితల్లి పాట యూట్యూబ్‌లో విపరీతమైన వ్యూస్ సంపాదించి, మెలోడీ లవర్స్‌ను అలరించింది.
ఇక ఇటీవల విడుదలైన “నమో నమః శివాయ” భక్తిరసభరిత గీతం కూడా ప్రేక్షకుల హృదయాలను గెలుచుకుంది.
ఈ పాటల వల్లే సినిమా హైప్ భారీగా పెరిగిందని చెప్పొచ్చు.
ఇదే తరహాలో హైదరాబాదు, చెన్నై, ముంబైలో నిర్వహించిన ఈవెంట్స్ సినిమాకు మరింత గుర్తింపు తీసుకువచ్చాయి.
తాజాగా IMDb ర్యాంకింగ్స్ (IMDB RANKINGS) ప్రకారం, తండేల్ సినిమా “మోస్ట్ ఆంటిసిపేటెడ్ ఇండియన్ మూవీస్” (MOST ANTICIPATED INDIAN MOVIES) జాబితాలో అగ్రస్థానాన్ని దక్కించుకుంది.
23.7% రియల్ టైమ్ పాపులారిటీతో బాలీవుడ్, కోలీవుడ్ సినిమాలను వెనక్కు నెట్టి నంబర్ 1 స్థానాన్ని సంపాదించడం విశేషం.
సాధారణంగా IMDb లిస్టులో హిందీ సినిమాలు టాప్ పొజిషన్‌లో ఉంటాయి.
కానీ ఈసారి టాలీవుడ్ సినిమా నెంబర్ 1 ర్యాంక్ దక్కించుకోవడం గొప్ప విషయమని సినీ విశ్లేషకులు అంటున్నారు.
అల్లు అరవింద్ సమర్పణలో బన్నీ వాసు నిర్మిస్తున్న ఈ చిత్రం ఫిబ్రవరి 7న గ్రాండ్ రిలీజ్‌కు సిద్ధమవుతోంది.
టీజర్, ట్రైలర్‌కు వచ్చిన స్పందన చూస్తుంటే తండేల్ తెలుగు సినిమా ఇండస్ట్రీలో మరో బిగ్ హిట్‌గా నిలిచే అవకాశాలు ఎక్కువగా కనిపిస్తున్నాయి.