మూవీడెస్క్: నేడు సౌత్ ఇండస్ట్రీలో టాప్ మ్యూజిక్ డైరెక్టర్‌గా పేరు తెచ్చుకున్న అనిరుధ్, తన బిజీ షెడ్యూల్ కారణంగా నాని నటిస్తున్న ‘ది ప్యారడైజ్’ ప్రాజెక్ట్ నుంచి తప్పుకున్నట్లు సమాచారం.
శ్రీకాంత్ ఓదెల దర్శకత్వంలో తెరకెక్కుతున్న ఈ సినిమా అనిరుధ్ పేరుతో భారీ అంచనాలు తీసుకువచ్చింది.
కానీ ప్రస్తుతం అనిరుధ్ పలు పాన్ ఇండియా ప్రాజెక్టులతో బిజీగా ఉండటంతో డేట్స్ కేటాయించ లేకపోయారని అంటున్నారు.
ఈ నిర్ణయం చిత్ర బృందానికి కొంత నిరాశను కలిగించినప్పటికీ, అనిరుధ్ స్థానంలో మరొక ప్రతిభావంతుడిని ఎంపిక చేసేందుకు ప్రయత్నాలు జరుగుతున్నాయి.
ఈ చిత్రానికి సంగీతం కీలకమని, అనిరుధ్ స్థాయికి తగ్గ సంగీత దర్శకుడిని తీసుకురావాలని నిర్మాత సుధాకర్ చెరుకూరి ప్రయత్నిస్తున్నారు.
కొత్త సంగీత దర్శకుడి ఎంపికపై త్వరలోనే అధికారిక ప్రకటన వెలువడనుంది.
‘ది ప్యారడైజ్’ యాక్షన్ థ్రిల్లర్‌గా రూపొందుతున్న ఈ సినిమాలో నాని నటన ప్రధాన ఆకర్షణగా నిలవనుంది.
మోహన్ బాబు, రమ్యకృష్ణ కీలక పాత్రల్లో మెరవనుండగా, భారీ బడ్జెట్‌తో ఈ సినిమా రూపుదిద్దుకుంటోంది.
ప్రీ-ప్రొడక్షన్ పనులు చివరి దశలో ఉండగా, నాని తన ప్రస్తుత ప్రాజెక్ట్ ‘హిట్ 3’ పూర్తి చేసిన వెంటనే షూటింగ్ ప్రారంభమవుతుందని సమాచారం.
అనిరుధ్ లేకపోవడం సినిమాపై ఎంతవరకు ప్రభావం చూపుతుందో చూడాలి.
అయితే, నాని క్రేజ్, శ్రీకాంత్ ఓదెల టాలెంట్‌తో సినిమా మరో బ్లాక్‌బస్టర్‌గా నిలుస్తుందని అంచనా వేస్తున్నారు.
మరి ఈ ప్రాజెక్ట్‌ను సంగీతంతో మరో లెవెల్ కు తీసుకెళ్లే మ్యూజిక్ డైరెక్టర్ ఎవరో వేచి చూడాలి.