మూవీడెస్క్: టాలీవుడ్ లో కమర్షియల్ హీరోయిన్ గా రాశి ఖన్నా మంచి గుర్తింపు తెచ్చుకుంది.
రీసెంట్ గా తెలుగులో ఆమె చేసిన ‘థాంక్యూ’ మరియు ‘పక్కా కమర్షియల్’ సినిమాలు ఆశించిన స్థాయిలో విజయవంతం కాలేదు.
కానీ తమిళ్, హిందీ భాషల్లో ఆమెకు మంచి అవకాశాలు దక్కుతూనే ఉన్నాయి.
తమిళంలో ఆమె చేసిన ‘తిరు’, ‘సర్దార్’, ‘అరణ్మణై 4’ సినిమాలు మంచి విజయాలు సాధించాయి.
ఇటీవల, బాలీవుడ్‌లో ‘యోధ’ అనే సినిమా చేసింది కానీ అది డిజాస్టర్ గా మారింది.
ఇక ఓటీటీలో ‘రుద్ర’ మరియు ‘ఫర్జీ’ వెబ్ సిరీస్ లో రాశి మంచి నటనతో ప్రేక్షకులను ఆకట్టుకుంది.
ఇప్పుడు ఆమె ‘ది సబర్మతి రిపోర్ట్’ అనే చిత్రంలో నటిస్తోంది, ఇది నవంబర్ 15న విడుదల కానుంది.
ఈ సినిమాతో బాలీవుడ్ లో సరైన బ్రేక్ వస్తుందనే ఆశతో రాశి ఎదురుచూస్తోంది.
ఇంకా తెలుగులో రాశి ‘తెలుసు కదా’ చిత్రంలో సిద్దు జొన్నలగడ్డతో జోడీ కట్టనుంది.
ఈ చిత్రం ఆమెకు మరోసారి తెలుగు ప్రేక్షకుల గుండెల్లో స్థానం సంపాదించేందుకు ఉపయోగపడుతుందని ఆశిస్తోంది.
మరి ఈసారి రాశికి లక్ కలిసి వస్తుందేమో చూడాలి.