టాలీవుడ్: RX100 సినిమా ద్వారా పరిచయం అయిన నటుడు కార్తికేయ. మొదటి సినిమా తోనే మంచి హిట్ మరియు పేరు సాధించిన ఈ హీరో వరుస ప్లాప్ లని ఎదుర్కొన్నాడు. తర్వాత నాని నటించిన గ్యాంగ్ లీడర్ సినిమాలో విలన్ గా కూడా నటించాడు. తమిళ్ లో అజిత్ నటిస్తున్న మరో సినిమాలో కూడా విలన్ గా నటిస్తున్నాడు. ఈ మధ్యనే ‘చావు కబురు చల్లగా’ సినిమా తో ప్లాప్ ని మూట కట్టుకున్నాడు. ప్రస్తుతం కార్తికేయ ‘రాజా విక్రమార్క’ అనే సినిమాలో నటిస్తున్నాడు. ఈ సినిమాకి సంబందించిన ఫస్ట్ లుక్ విడుదల చేసింది సినిమా టీం. అర్జున్ రెడ్డి డైరెక్టర్ సందీప్ వంగా ఈ సినిమా ఫస్ట్ లుక్ ని విడుదల చేసారు.
ఈ సినిమాలో కార్తికేయ ఒక NIA (నేషనల్ ఇన్వెస్టిగేషన్ ఏజెంట్) ఏజెంట్ గా నటిస్తున్నాడు. ఫస్ట్ లుక్ లో ఆఫీస్ లో కూర్చొని దీర్ఘంగా దేని గురించో ఆలోచిస్తున్నట్టు చూపించారు. ఒక పూర్తి యాక్షన్ ఎంటర్టైనర్ గా ఏ సినిమా రూపొందుతుంది. ఈ సినిమాతో తాన్యా రవిచంద్రన్ హీరోయిన్ గా పరిచయం అవుతుంది. ప్రశాంత్ ఆర్ విహారి ఈ సినిమాకి సంగీతం అందిస్తున్నారు. శ్రీ చిత్ర మూవీ మేకర్స్ పతాకంపై ఆదిరెడ్డి .టి సమర్పణలో 88 రామారెడ్డి ఈ సినిమాని నిర్మిస్తున్నారు. వీ.వీ.వినాయక్ దగ్గర అసిస్టెంట్ డైరెక్టర్ గా చేసిన శ్రీ సారిపల్లి ఈ సినిమా ద్వారా డైరెక్టర్ అవబోతున్నాడు. లాక్ డౌన్ ముగిసి మిగతా షూటింగ్ పూర్తి చేసి ఈ సినిమా విడుదల చేయాలనీ చూస్తున్నారు మేకర్స్.