టాలీవుడ్: కష్ట పడి పట్టుదల తో నటిస్తే కొంచెం ఆలస్యమైనా సక్సెస్ ఖచ్చితంగా వస్తుంది అని నిరూపించిన నటుడు సత్యదేవ్. ఉమా మహేశ్వర ఉగ్ర రూపస్య సినిమా సక్సెస్ తర్వాత హీరోగా బిజీ అయిపోయాడు. వరుసగా సినిమాలు కమిట్ అవుతున్నాడు. ప్రస్తుతం ‘తిమ్మరుసు‘, గుర్తుందా శీతాకాలం’ అనే రెండు సినిమాల్లో హీరోగా నటిస్తున్నాడు. నిన్న సత్యదేవ్ పుట్టిన రోజు సందర్భంగా మరో రెండు సినిమాలు ప్రకటించాడు.
టాలీవుడ్ సక్సెస్ ఫుల్ డైరెక్టర్ గా వరుస హిట్ లు సాధించి ఇపుడు మెగా స్టార్ చిరంజీవి తో ‘ఆచార్య’ అనే సినిమాని డైరెక్ట్ చేస్తున్న కొరటాల శివ సత్యదేవ్ సినిమాని నిర్మించబోతున్నాడు. కొరటాల శివ సమర్పణలో అరుణాచల క్రియేషన్స్ బ్యానర్ పై కృష్ణ కొమ్మపాలాటి నిర్మాణంలో వీ.వీ.గోపాల కృష్ణ దర్శకత్వంలో ఒక సినిమా రూపొందనున్నట్టు ప్రకటించారు. ఈ సినిమాలో హీరో గా నటిస్తున్న సత్యదేవ్ ఒక రగ్డ్ లుక్ ని విడుదల చేసారు. సత్యదేవ్ 25 వ సినిమాగా ఈ సినిమా రూపొందనుందని సత్యదేవ్ ప్రకటించారు.
గాడ్సే అనే టైటిల్ తో మరో సినిమా కూడా ప్రకటించాడు సత్యదేవ్. ఈ సినిమాలో ఒక గన్ పట్టుకొని ఫేస్ పైన రెండు మూడు గాయాలతో సీరియస్ గా చూస్తున్న సత్యదేవ్ పోస్టర్ ఒకటి విడుదల చేసారు. ఈ సినిమాని సి.కే. స్క్రీన్స్ బ్యానర్ పై సి.కళ్యాణ్ నిర్మిస్తున్నారు. గోపి గణేష్ పట్టాభి దర్శకత్వంలో ఈ సినిమా సినిమా రూపొందనుంది.