న్యూయార్క్: టెస్లా పేరు వినగానే మనకు మొదటగా గుర్తుకు వచ్చేది ఎలక్ట్రిక్ కారు మరియు క్రిప్టోలపి తను చేసే ట్వీట్లు. ఎలాన్ మస్క్ ఎలక్ట్రిక్ వాహన ప్రపంచంలో రారాజు తన టెస్లా కంపెనీ. టెస్లా కంపెనీ ఈ స్థాయికి చేరుకోవడంలో సీఈఓ ఎలోన్ మస్క్ ది ఎంతో ముఖ్యమైన పాత్ర ఉంది. ఇప్పటికే అంతరిక్ష, ఆర్టిఫీషియల్‌ ఇంటెలిజెన్స్‌, ఇంటర్నెట్ రంగాలలో తన సత్తా చాటిన మస్క్ మొబైల్ ఫోన్ల రంగంలో తన మార్క్ ట్రెండ్ క్రియేట్ చేసేందుకు సిద్దం అవుతున్నారు.
తాజాగా టెస్లా కంపెనీ గేమింగ్ స్మార్ట్ఫోన్ ను లాంచ్ చేయడానికి సిద్దం అవుతున్నట్లు తెలుస్తోంది. మోడల్ పై/పీ అనే పేరుతో టెస్లా ఈ స్మార్ట్‌ఫోన్‌ను తీసుకొని వస్తున్నట్లు సమాచారం. టెస్లా స్మార్ట్ఫోన్ నుండి ఇంకా అధికారిక సమాచారం లేకున్నా, ఇంటర్నెట్‌లో మాత్రం అప్పుడే ఈ స్మార్ట్‌ఫోన్‌కు సంబంధించిన ఫీచర్స్ షికార్లు చేస్తున్నాయి.
నెట్‌లో చక్కర్లు కొడుతున్న సమాచారం ప్రకారం టెస్లా ఒక గేమింగ్ స్మార్ట్ఫోన్ తీసుకొని రానుందని తెలుస్తోంది. ఈ స్మార్ట్ఫోన్ వెనుక భాగంలో “T” అనే అక్షరం ఉండనుంది. ఈ ఫోన్ వెనుక భాగంలో ట్రిపుల్-రియర్ కెమెరా సెటప్ ఉంటుందని సమాచారం. దీనిలో వెనుక భాగంలో 108 మెగా పిక్సల్ మెయిన్ కెమెరా ఉంటుంది.
ఇంకా, 4కే సపోర్ట్ చేసే 6.5 అంగుళాల స్క్రీన్, స్నాప్ డ్రాగన్ 898 ప్రాసెసర్, 2టీబీ స్టోరేజ్ సామర్థ్యం ఉండే అవకాశం ఉంది. టెస్లా స్మార్ట్ఫోన్ ధర 800 – 1200 డాలర్ల(సుమారు రూ.60,000 – రూ.90,000) మధ్య ఉంటుందని లైఫ్ వైర్ నివేదించింది. ప్రస్తుతం టెస్టింగ్ దశలో ఉన్న ఈ మొబైల్ వచ్చే ఏడాది మార్కెట్లోకి వచ్చే అవకాశం ఉంది.