హరారే: 5 మ్యాచ్ ల టీ20 సిరీస్ లో చివరిదైన 5వ మ్యాచ్ లో కూడా భారత్ జయకేతనమ ఎగురవేసింది. జింబాబ్వే ని 42 పరుగుల తేడాతో ఓడించి సిరీస్ ను 4-1 తో కైవసం చేసుకుంది.
భారత యువ జట్టులోని ఆటగాళ్ళు అందరూ జింబాబ్వే సిరీస్ ను బాగా ఉపయోగించుకున్నారు. యశస్వి, శాంసన్, అభిషేక్, గిల్ తదితర నూతన ప్లేయర్లందరూ బాగా రాణించి సిరీస్ ను గెలిచారు.
చివరి మ్యాచ్ లో సంజూ శాంసన్ హాఫ్ సెంచరీ తో మెరవగా, రియాన్ పరాగ్ మరియూ శివం దూబే మాత్రమే చెప్పుకోదగ్గ స్కోరు చేశారు. దీంతో భారత్ జింబాబ్వే ముందు 168 పరుగుల లక్ష్యాన్ని ఉంచింది.
చేధనలో జింబాబ్వే పెద్దగా రాణించలేకపోయింది. కేవలం 125 పరుగులు మాత్రమే చేసి ఆలౌట్ అయి మ్యాచ్ ను ఓడిపోయింది. భారత బౌలర్లు ముకేష్ కుమార్ 4 వికెట్లు, శివం దూబే 2, తుషార్, అభిషేక్, వాషింగ్టన్ చెరో 1 వికెట్ తీసుకున్నారు.
ప్లేయర్ ఆఫ్ ది మ్యాచ్ అవార్డు శివం దూబే కి లభించగా, ప్లేయర్ ఆఫ్ ది సిరీస్ అవార్డు వాషింగ్టన్ సుందర్ ను వరించింది.