అమరావతి: ఏపీలో వైఎస్సార్‌ కాంగ్రెస్ పార్టీ (వైసీపీ) నేతలపై దాడులు కొనసాగుతూనే ఉన్నాయని ఆ పార్టీ అధినేత, ముఖ్యమంత్రి వైఎస్ జగన్ మోహన్ రెడ్డి తీవ్ర ఆవేదన వ్యక్తం చేశారు.
తాడిపత్రిలో తాజాగా చోటుచేసుకున్న ఘోర ఘటనలో వైఎస్సార్‌సీపీ నాయకుడి ఇంటిని తగలబెట్టారని, ఆయన వాహనాలను నిర్దాక్షిణ్యంగా ధ్వంసం చేశారని జగన్ ఆగ్రహంతో పేర్కొన్నారు.
అలాంటి ఘటనలు జరుగుతుండగా, పైన ఉన్న టీడీపీ అధినేత చంద్రబాబు నాయుడు నేరాలు చేయాలంటే భయపడాలంటూ చెప్పడం ఎంత ఘోరమైన నిస్సిగ్గుతనమో అని జగన్ మండిపడ్డారు.
“ఒక మాజీ ఎమ్మెల్యే తన సొంత ఇంటికి వెళ్లే పరిస్థితులు కూడా రాష్ట్రంలో లేవు. తాడిపత్రిలో జరిగిన ఘటనే దీనికి ఉదాహరణ. ఎస్పీకి సమాచారం ఇచ్చి వెళ్లినా టీడీపీ మూకలు అడ్డుకున్నాయి. వైయస్సార్‌సీపీ నాయకుడి ఇంటిని తగలబెట్టాయి, వాహనాలను ధ్వంసం చేశాయి. కిందిస్థాయిలో ఇన్ని దారుణాలు జరుగుతుంటే, నేరం చేయాలంటేనే భయపడాలంటూ పైన ఉన్న చంద్రబాబు కబుర్లు చెప్తున్నారు. ఇంతకన్నా నిస్సిగ్గుతనం ఏముంటుంది?” అంటూ జగన్ తన ట్విట్టర్ ఖాతా ద్వారా తీవ్ర విమర్శలు చేశారు.
రాష్ట్రంలో శాంతి భద్రతలు పటిష్టంగా ఉండాలని, ఇలాంటి ఘోరాలకు తగిన విధంగా చర్యలు తీసుకోవాలని ఆయన హితవు పలికారు.