మూవీడెస్క్: ఇండిపెండెన్స్ డే సందర్భంగా విడుదలైన ఆయ్ కలెక్షన్స్, మంచి స్పందనతో థియేటర్లలో విజయవంతంగా నడుస్తోంది.
నార్నే నితిన్ హీరోగా, గీతా ఆర్ట్స్ 2 బ్యానర్ పై బన్నీ వాస్ నిర్మాతగా వచ్చిన ఈ సినిమాతో అంజి కె మణిపుత్ర దర్శకుడిగా పరిచయం అయ్యారు.
ఈ చిత్రం 15 రోజులు పూర్తిచేసుకుంది, ఇంకా చాలా చోట్ల థియేటర్లలో ప్రేక్షకులను అలరిస్తోంది. ఇక ఇటీవల ఏపీ డిప్యూటీ సీఎం పవన్ కళ్యాణ్ బర్త్ డే వేడుకలను పాలకొల్లులో నిర్వహించారు.
ఈ వేడుకలో బన్నీ వాస్ ముఖ్య అతిథిగా పాల్గొన్నారు. పవన్ కళ్యాణ్ బర్త్ డే కేక్ కట్ చేసి, వారి కార్యక్రమంలో ప్రత్యేక భాగంగా, ‘ఆయ్’ సినిమా కలెక్షన్స్ నుండి 25% శాతం విరాళంగా వరద బాధితులకు ఇవ్వాలని ప్రకటించారు.
ఈ విరాళం జనసేన పార్టీ ద్వారా ప్రభుత్వానికి అందించబడుతుందని అన్నారు. ఈ కార్యక్రమంలో బన్నీ వాస్ చేసిన ప్రకటనకు జనసేన అభిమానులు ఆనందాన్ని వ్యక్తం చేశారు.
‘ఆయ్’ సినిమా ప్రపంచ వ్యాప్తంగా 14.10 కోట్ల గ్రాస్ కలెక్షన్స్ అందించిందని సమాచారం. నార్నే నితిన్ ఈ చిత్రంతో మరో హిట్ అందుకున్నాడు, అలాగే బన్నీ వాస్ కూడా ఈ ఏడాది మరో సక్సెస్‌ను సాధించారు.
ఇక గీతా ఆర్ట్స్ 2 నుండి ‘తండేల్’ చిత్రం డిసెంబర్‌లో విడుదల కానుంది. 80 కోట్ల బడ్జెట్ తో రూపొందిస్తున్న ఈ చిత్రంలో నాగ చైతన్య హీరోగా, చందూ మొండేటి దర్శకత్వం వహిస్తున్నారు. సాయి పల్లవి హీరోయిన్‌గా నటిస్తున్నారు.