అమరావతి: మోదీ 3.0 సర్కారు 100 రోజుల ప్రోగ్రెస్ రిపోర్ట్!
ఎన్డీఏ ప్రభుత్వం తన మూడవసారి అధికారంలోకి వచ్చి వంద రోజులు పూర్తి చేసుకుంది. ఈ క్రమంలో, భాజపా నేతృత్వంలోని మోదీ 3.0 సర్కారు అనేక కీలక నిర్ణయాలను తీసుకుంది, వాటిలో ప్రధానంగా దేశం యొక్క బలమైన భవిష్యత్తును లక్ష్యంగా చేసుకున్నవి ఉన్నాయి. 2047 నాటికి భారతదేశాన్ని ప్రపంచంలోనే అగ్రగామి ఆర్థిక వ్యవస్థగా మారుస్తామన్న లక్ష్యంతో ఈ నిర్ణయాలు తీసుకున్నారు.
రోడ్ల నిర్మాణం మరియు ఇన్‌ఫ్రాస్ట్రక్చర్ అభివృద్ధి
మోదీ 2.0లో దేశంలోని ప్రతి ఇంటికి విద్యుత్ కనెక్షన్ ఇచ్చినప్పటి నుండి, మోదీ 3.0 సర్కారు ఇప్పుడు 100 మందికి కంటే తక్కువ జనాభా కలిగిన గ్రామాలకు రోడ్డు సదుపాయం కల్పించడంపై దృష్టి పెట్టింది. 25 వేల గ్రామాల్లో రోడ్లు నిర్మించేందుకు 49 వేల కోట్లు కేటాయించి, 62,500 కిలోమీటర్ల రోడ్ల నిర్మాణాన్ని లక్ష్యంగా పెట్టుకుంది. ఈ ప్రాజెక్ట్‌ మొత్తం 3 లక్షల కోట్ల రూపాయలతో దేశవ్యాప్తంగా అనేక మౌలిక వసతులను మెరుగుపరచడంలో భాగంగా ఉంది.
పోర్టు అభివృద్ధి
మహారాష్ట్రలోని వధ్‌వాన్ పోర్టును దేశంలోని టాప్ 10 పోర్టులలో ఒకటిగా తీర్చిదిద్దే ఉద్దేశంతో, సర్కారు 76,200 కోట్ల రూపాయలతో అభివృద్ధి ప్రాజెక్టును చేపట్టింది. అలాగే, 50,600 కోట్ల రూపాయలతో 956 కిలోమీటర్ల హైస్పీడ్ కారిడార్ల నిర్మాణం మొదలైంది.
రైతులకు మద్దతు
దేశంలోని రైతులకు మేలు చేసేందుకు, ఖరీప్ పంటలకు మద్దతు ధర పెంచడమే కాకుండా, సోయాబీన్ మరియు సన్‌ఫ్లవర్ ఆయిల్ దిగుమతి సుంకాన్ని పెంచి స్థానిక రైతులకు ప్రోత్సాహం ఇచ్చింది. అగ్రిస్యూర్ పథకం ద్వారా సాగు రంగంలో విప్లవాన్ని తీసుకురావడమే లక్ష్యంగా పెట్టుకుంది.
ఆర్ & డీ రంగంలో ప్రోత్సాహం
50 వేల కోట్ల నేషనల్ రీసెర్చ్ ఫండ్ కింద పరిశోధన మరియు అభివృద్ధి రంగానికి భారీ నిధులు కేటాయించింది. సెమీకండక్టర్ పరిశ్రమకు ప్రాధాన్యతనిచ్చి, రోజుకు 6 మిలియన్ల చిప్‌లు తయారు చేసేలా గుజరాత్‌లో కొత్త ప్రాజెక్ట్‌ను ప్రారంభించింది.
విపత్తుల నిర్వహణ
విపత్తుల నిర్వహణకు సంబంధించిన చర్యల్లో భాగంగా, నేషనల్ డేటాబేస్ మరియు భువన్ పంచాయత్ పోర్టల్ ఏర్పాటుతో పాటు, 12554 కోట్ల రూపాయల విలువైన ప్రకృతి విపత్తుల నివారణ ప్రాజెక్టులను ప్రారంభించింది.
కీలక నిర్ణయాలు
మోడీ 3.0 ప్రభుత్వం వన్ నేషన్ వన్ ఎలక్షన్, జనగణన వంటి కీలక నిర్ణయాలను కూడా పట్టాలెక్కించింది.