జాతీయం: బీజేపీ పార్టీ అంతర్గతంగా పాటించే నియమాలు, ముఖ్యంగా 75 ఏళ్లు రాగానే పదవీ విరమణ చేయాలని ఉన్న నిబంధన ప్రధాని నరేంద్ర మోదీకి ఎందుకు వర్తించదని ప్రశ్నించారు దిల్లీ మాజీ సీఎం, ఆమ్‌ ఆద్మీ పార్టీ కన్వీనర్ అరవింద్ కేజ్రీవాల్. ఈడీ, సీబీఐలను దుర్వినియోగం చేసి ప్రభుత్వాలను కూల్చటం, అవినీతి ఆరోపణలపై చర్యలు తీసుకోవాల్సింది పోయి అవినీతి నేతలను స్వీకరించడం బీజేపీ విధానాలుగా మారాయా? అని కూడా ఆయన విమర్శించారు.
ఆర్ఎస్ఎస్ రాజకీయాలతో సంతృప్తిగా ఉందా లేదా అని తెలుసుకోవాలని అడుగుతున్నట్లు తెలిపారు. జంతర్ మంతర్ వద్ద జనతా కీ అదాలత్ కార్యక్రమంలో పాల్గొన్న కేజ్రీవాల్, ఆర్ఎస్ఎస్ చీఫ్ మోహన్ భగవత్‌కు ఐదు ప్రశ్నలు సంధించారు.
కేజ్రీవాల్ వేసిన ప్రశ్నలు
- బీజేపీ 75 ఏళ్లు వచ్చాక పదవీ విరమణ చేయాలనే నిబంధన పాటిస్తుందా? ఆ నిబంధన ప్రధాని మోదీకి ఎందుకు వర్తించదు?
- బీజేపీకి ఆర్ఎస్ఎస్ అవసరం లేదని జేపీ నడ్డా చెప్పినప్పుడు, మోహన్ భగవత్‌కు ఎలా అనిపించిందని కేజ్రీ ప్రశ్నించారు.
- అవినీతి ఆరోపణలు ఎదుర్కొంటున్న నేతలను బీజేపీలో చేర్చుకోవడం సమంజసమా?
- ప్రధాని మోదీ ఎన్‌ఫోర్స్‌మెంట్ డైరెక్టరేట్ (ED), సీబీఐ వంటి సంస్థలను రాజకీయ ప్రయోజనాల కోసం వాడుకుంటున్నారా?
- అవినీతి వ్యతిరేక పోరాటంలో ఉన్న నేతలను ఎందుకు లక్ష్యంగా చేసుకుంటున్నారు?
మోదీ ప్రభుత్వం పై ఆరోపణలు
ప్రధాని నరేంద్ర మోదీ తనపై కుట్ర పన్నారని, ముఖ్యంగా ఆయన, మనీష్‌ సిసోదియాపై అవినీతి ఆరోపణలు చేసి ప్రజలతో దూరం చేయాలని చూస్తున్నారని కేజ్రీవాల్ ఆరోపించారు. ఈడీ, సీబీఐ వంటి కేంద్ర ఏజెన్సీలను దుర్వినియోగం చేసి ప్రభుత్వాలను పడగొట్టడమే లక్ష్యంగా పెట్టుకున్నారని మండిపడ్డారు.
కేజ్రీవాల్ స్వచ్ఛతపై వివరణ
తాను అవినీతి ఆరోపణలతో బాధపడ్డానని, అందుకే ముఖ్యమంత్రి పదవికి రాజీనామా చేసి రాజకీయాల్లో నిజాయితీకి నిలబడ్డానని కేజ్రీవాల్ తెలిపారు. తనకు పదవి కంటే ప్రజల సేవ ముఖ్యమని చెప్పారు. ప్రజల ప్రేమ, విశ్వాసం సంపాదించుకోవడమే తన ధ్యేయమని, అందుకే దిల్లీ ప్రజలు తనకు తమ ఇళ్లను ఇవ్వడానికి ముందుకు వస్తున్నారని ఆయన అభివర్ణించారు.
*”దసరా నవరాత్రులు ప్రారంభం కాగానే సీఎం నివాసం వదిలి మీ(ప్రజలు) ఇళ్లకు వచ్చి బస చేస్తా. కేజ్రీవాల్‌ను దొంగ అని మీరు అనుకుంటున్నారా? లేదా నన్ను జైలుకు పంపిన వారు దొంగలు అని అనుకుంటున్నారా? రాబోయే దిల్లీ అసెంబ్లీ ఎన్నికలు నాకు అగ్నిపరీక్ష లాంటివి. నేను నిజాయితీ లేనివాడినని మీరు అనుకుంటే నాకు ఓటు వేయకండి.” —- అరవింద్ కేజ్రీవాల్, దిల్లీ మాజీ సీఎం
తాను పదేళ్లుగా ముఖ్యమంత్రిగా ఉన్నా, ఇప్పటి వరకు దిల్లీలో సొంత ఇల్లు కూడా లేదని కేజ్రీవాల్ వెల్లడించారు. ప్రజలు తన నిజాయితీకి న్యాయం చేయాలని కోరారు. రాబోయే దిల్లీ అసెంబ్లీ ఎన్నికలు తనకు అగ్ని పరీక్ష అని పేర్కొంటూ, తన నిజాయితీని ప్రజలు నిర్ణయించాలన్నారు.
సమరభేరి – బీజేపీ నేతల ధర్నా
కేజ్రీవాల్ ఆరోపణలను బీజేపీ నాయకులు తీవ్రంగా ఖండించారు. కేజ్రీవాల్ అవినీతి కేసులు ఇప్పటికీ విచారణలో ఉన్నాయని, ప్రజలను మోసం చేస్తున్నారని బీజేపీ నాయకులు ఆరోపించారు.