మూవీడెస్క్: టాలీవుడ్‌లో రీరిలీజ్ ట్రెండ్ కొనసాగుతున్న తరుణంలో, పాన్ ఇండియా స్టార్ ప్రభాస్ పాత హిట్ సినిమాలు ప్రభాస్ బర్త్ డే సందర్భంగా అక్టోబర్ నెలలో వరుసగా రీరిలీజ్ కాబోతున్నాయి.
అక్టోబర్ 23న ప్రభాస్ బర్త్‌డే సందర్భంగా ఫ్యాన్స్ కోసం ప్రత్యేకంగా ఈ చిత్రాలను థియేటర్లలో ప్రదర్శించనున్నారు.
అక్టోబర్ 2న కృష్ణవంశీ దర్శకత్వంలో ప్రభాస్ నటించిన ‘చక్రం’ రీరిలీజ్ అవుతోంది.
ఇది మొదట విడుదలైనప్పుడు ఫ్లాప్ అయినప్పటికీ, ప్రభాస్ నటనతో పాటు సామాజిక అంశం కొంతమందికి కనెక్ట్ అయ్యింది.
అలాగే, దశరథ్ దర్శకత్వంలో వచ్చిన సూపర్ హిట్ సినిమా ‘మిస్టర్ పర్ఫెక్ట్’ అక్టోబర్ 22న రీరిలీజ్ కానుంది.
అక్టోబర్ 23న ప్రభాస్ నటించిన మరో సూపర్ హిట్ సినిమా ‘డార్లింగ్’ కూడా రీరిలీజ్ కాబోతోంది.
అదే రోజు ప్రభాస్ మొదటి చిత్రం ‘ఈశ్వర్’ కూడా థియేటర్లలోకి రాబోతోంది.
మొత్తం నాలుగు సినిమాల రీరిలీజ్ ప్రభాస్ ఫ్యాన్స్‌కి పండగ వాతావరణం సృష్టిస్తోంది.
4K క్వాలిటీలో ఈ సినిమాలను మళ్లీ చూడటానికి ప్రేక్షకులు ఆసక్తిగా ఎదురుచూస్తున్నారు.