మూవీడెస్క్: విక్రమ్ – నితిన్ కాంబో ! విక్రమ్ కె కుమార్ తన వినూత్న సినిమాలతో మంచి పేరు తెచ్చుకున్నారు.
‘మనం’, ‘24’, ‘13B’ వంటి సినిమాలతో ప్రేక్షకులను ఆకట్టుకున్న ఆయన, తాజాగా ‘ధూత’ అనే వెబ్ సిరీస్ ద్వారా కూడా మంచి పేరు తెచ్చుకున్నారు.
ఇప్పుడు, విక్రమ్ తన తదుపరి ప్రాజెక్ట్‌ను హీరో నితిన్ తో చేయబోతున్నారని సమాచారం.
ఇప్పటివరకు ఈ ప్రాజెక్ట్‌ను ‘హనుమాన్’ ఫేమ్ నిర్మాత నిరంజన్ రెడ్డి నిర్మించనున్నారు అని వార్తలు వచ్చాయి.
అయితే తాజా సమాచారం ప్రకారం, నిరంజన్ రెడ్డి ఈ ప్రాజెక్ట్ నుండి తప్పుకున్నట్లు తెలుస్తోంది. దీంతో యూవీ క్రియేషన్స్ ఈ సినిమాను నిర్మించే అవకాశం ఉన్నట్లు టాక్.
నితిన్, విక్రమ్ కె కుమార్ కాంబినేషన్ గతంలో ‘ఇష్క్’ సినిమా ద్వారా మంచి విజయం సాధించింది.
ఇప్పుడు అదే కాంబినేషన్ మళ్లీ రిపీట్ అవుతుందనడంతో భారీ అంచనాలు ఏర్పడ్డాయి.
నితిన్ ప్రస్తుతం ‘తమ్ముడు’ షూటింగ్‌లో బిజీగా ఉన్నాడు, ఆ ప్రాజెక్ట్ పూర్తయిన తర్వాత విక్రమ్ కె కుమార్ సినిమా మీద ఫోకస్ పెట్టనున్నాడు.