మూవీడెస్క్: మెగా ప్రిన్స్ వరుణ్ తేజ్ ప్రస్తుతం ‘మట్కా’ సినిమాతో ప్రేక్షకుల ముందుకు రాబోతున్నాడు. ఈ సినిమా షూటింగ్ దాదాపుగా పూర్తయ్యింది, త్వరలో విడుదలకు సిద్ధం కానుంది.
అయితే, ‘మట్కా’ తర్వాత వరుణ్ చేయబోయే ప్రాజెక్ట్ గురించి కూడా ఆసక్తికరమైన సమాచారం వెలువడింది.
మేర్లపాక గాంధీ దర్శకత్వంలో మరో సినిమాకు వరుణ్ గ్రీన్ సిగ్నల్ ఇచ్చినట్లు తెలుస్తోంది. ఈ సినిమా పేరును ‘కనకరాజు’గా ఫిక్స్ చేశారన్న టాక్ వినిపిస్తోంది.
ఈ చిత్రాన్ని యూవీ క్రియేషన్స్ భారీ బడ్జెట్‌తో నిర్మించనుంది. కథలో కొంత భాగం కొరియాలో, మరొక భాగం రాయలసీమలో జరుగుతుందని సమాచారం.
ఈ సినిమా యాక్షన్ ఎలిమెంట్స్‌కి పెద్ద పీట వేస్తూ, కొరియాలోనే కీలక సన్నివేశాలను చిత్రీకరించనున్నారు.
తెలుగు ప్రేక్షకులకు సన్నిహితంగా ఉండే రాయలసీమ నేపథ్యం, కొరియా బ్యాక్‌డ్రాప్‌కి మేళవించి కొత్త అనుభూతిని అందించేందుకు సన్నాహాలు జరుగుతున్నాయి.
కథలోని వెరైటీ కాన్సెప్ట్ తో పాటు, అద్భుతమైన యాక్షన్ సీన్స్ ఈ సినిమాకి ప్రత్యేకతగా నిలుస్తాయని భావిస్తున్నారు.
కొరియన్ సినిమాల ప్రభావం ఇంతకుముందు తెలుగు ఇండస్ట్రీలో కనిపించినప్పటికీ, ఈసారి గాంధీ పూర్తి స్థాయిలో కొరియన్ నేపథ్యంతో సినిమాను తెరకెక్కించబోతుండడం విశేషం.
దసరా సందర్భంగా ఈ సినిమా గురించి మరిన్ని అప్‌డేట్స్‌ అందనుండగా, ఇది వరుణ్ తేజ్ ఫ్యాన్స్‌లో అంచనాలను మరింత పెంచే అవకాశముంది.