మూవీడెస్క్: యంగ్ రెబల్ స్టార్ ప్రభాస్ నటిస్తున్న ది రాజాసాబ్ సినిమా ప్రస్తుతం శరవేగంగా షూటింగ్ జరుపుకుంటోంది.
మారుతి దర్శకత్వంలో రూపొందుతోన్న ఈ సినిమాను పీపుల్స్ మీడియా ఫ్యాక్టరీ భారీ బడ్జెట్‌తో నిర్మిస్తోంది.
2025 ఏప్రిల్ 10న పాన్ ఇండియా రేంజ్‌లో విడుదల కానున్న ఈ సినిమా పై ఫ్యాన్స్ భారీ ఆశలు పెట్టుకున్నారు.
తాజాగా ‘ది రాజాసాబ్’ నైజాం థియేట్రికల్ రైట్స్‌ను ప్రముఖ నిర్మాణ సంస్థ మైత్రీ మూవీ మేకర్స్ సొంతం చేసుకుంది.
ఈ రైట్స్ భారీ ధరకు అమ్ముడైయ్యాయని టాక్. మైత్రీ వారు ‘ది రాజాసాబ్’ మూవీని హైదరాబాద్‌లోని సంధ్య 70MM థియేటర్‌లో బ్లాక్ చేసారని సమాచారం.
సినిమా గురించి నిర్మాత టీజీ విశ్వప్రసాద్ మాట్లాడుతూ, చిత్రంపై భారీ అంచనాలు ఉన్నాయని చెప్పారు.
ప్రభాస్ ఈ చిత్రంలో ఫుల్ కామెడీ చేయబోతున్నాడనే ప్రచారం సినిమాపై మరింత ఆసక్తి పెంచుతోంది.
ప్రస్తుతం 75 శాతం షూటింగ్ పూర్తయిన ఈ మూవీ నవంబర్ చివరికి పూర్తవుతుందని అంచనా.
ఈ రొమాంటిక్, కామెడీ హర్రర్ థ్రిల్లర్‌లో మాళవిక మోహన్, నిధి అగర్వాల్, రిద్ధి కుమార్ హీరోయిన్స్‌గా నటిస్తున్నారు.