మూవీడెస్క్: యంగ్ టైగర్ ఎన్టీఆర్ నటించిన దేవర సినిమా మొదటి భాగం మిశ్రమ రివ్యూలను అందుకున్నా కలెక్షన్ల పరంగా సూపర్ హిట్ అయ్యింది.
10 రోజుల్లోనే 466 కోట్ల గ్రాస్ వసూళ్లు సాధించిన ఈ చిత్రం, దసరా సెలవులు కలిసి రావడంతో 600 కోట్ల వరకు వెళ్తుందని ట్రేడ్ వర్గాలు అంచనా వేస్తున్నాయి.
ఈ భారీ విజయంతో దేవర 2 పై అంచనాలు కూడా భారీగా పెరిగాయి.
ఇందులో ఎన్టీఆర్ తండ్రి, కొడుకు పాత్రల్లో అదిరిపోయే నటనతో ప్రేక్షకులను ఆకట్టుకున్నాడు.
ఫ్యాన్స్ ఇప్పుడు దేవర 2 లో ఇంకా పవర్ ఫుల్ యాక్షన్ సీక్వెన్స్‌లు ఉంటాయని ఆశిస్తున్నారు.
కొరటాల శివ కూడా రెండో పార్ట్ పై పరోక్షంగా క్లారిటీ ఇచ్చారు. డిసెంబర్‌ లో దేవర 2 స్క్రిప్ట్ వర్క్ మొదలవుతుందని ఎన్టీఆర్ తెలిపారు.
ఈ చిత్రం 2025లో షూటింగ్ ప్రారంభమై, 2026 ఆఖరులో లేదా 2027 ప్రారంభంలో విడుదల చేసే అవకాశం ఉందని ఇండస్ట్రీలో వినిపిస్తోంది.
ప్రస్తుతం ఎన్టీఆర్ వార్ 2 మరియు డ్రాగన్ సినిమాల షూటింగ్స్ లో బిజీగా ఉన్నాడు, కాబట్టి దేవర 2 పై అభిమానులు కొంతకాలం ఎదురు చూడాల్సి ఉంటుంది.