మూవీడెస్క్: తమిళ స్టార్ హీరో విక్రమ్, పార్వతి తిరువోతు ప్రధాన పాత్రల్లో నటించిన తంగలాన్ (Thangalaan) చిత్రం ఆగస్టు 15న విడుదలై మంచి స్పందన రాబట్టింది.
బ్రిటీష్‌ కాలంలో కోలార్‌ గోల్డ్‌ ఫీల్డ్‌ నేపథ్యంలో తెరకెక్కిన ఈ చిత్రం యదార్థ సంఘటనల ఆధారంగా రూపొందింది.
కలెక్షన్ల పరంగా విజయవంతమైనప్పటికీ, కథన పరంగా మిశ్రమ స్పందన లభించింది.
ప్రపంచవ్యాప్తంగా రూ. 100 కోట్లకు పైగా వసూళ్లు రాబట్టిన ఈ చిత్రం, ఓటీటీ విడుదల విషయంలో కొత్త మలుపు తీసుకుంది.
తంగలాన్ డిజిటల్‌ హక్కులను ముందుగా నెట్‌ఫ్లిక్స్‌ కొనుగోలు చేసినప్పటికీ, అనూహ్యంగా ఆ డీల్ రద్దయింది.
సినిమా విడుదల అనంతరం ఆశించిన స్థాయిలో విజయాన్ని సాధించకపోవడంతో, నెట్‌ఫ్లిక్స్‌ స్ట్రీమింగ్‌ కోసం ముందుకు రాలేదని టాక్‌.
తాజాగా వచ్చిన సమాచారం ప్రకారం, అమెజాన్‌ ప్రైమ్‌ ఈ డిజిటల్‌ హక్కులను సొంతం చేసుకుని, త్వరలో స్ట్రీమింగ్‌కు తీసుకురానున్నట్లు తెలుస్తోంది.
ఈ ఒప్పందం మార్పు ఇప్పుడు సినిమా వర్గాల్లో చర్చనీయాంశంగా మారింది.