రతన్ టాటా ఇటీవల కన్నుమూసిన నేపథ్యంలో టాటా గ్రూప్‌లో కొత్త నాయకత్వం ఎవరికి వెళుతుందనేది కార్పొరేట్ సర్కిల్స్‌లో చర్చనీయాంశంగా మారింది. టాటా గ్రూప్‌కు చెందిన టాటా సన్స్‌ మరియు టాటా ట్రస్ట్స్‌ కీలకమైన సంస్థలు. ఈ రెండింటిలో ఎవరు ప్రధాన బాధ్యతలను తీసుకుంటారన్నది ఆసక్తిగా మారింది.
ప్రస్తుతం టాటా సన్స్‌ ఛైర్మన్‌గా చంద్రశేఖరన్ ఉన్నప్పటికీ, టాటా ట్రస్ట్స్‌ ఛైర్మన్‌ స్థానం మరింత కీలకమైనది. ట్రస్ట్స్‌ ఆధీనంలో టాటా సన్స్‌ షేర్లలో 66 శాతం ఉంది. రతన్ టాటా చరిత్రలో ఓ అధ్యాయం ముగియడంతో, ఈ కీలక పదవులకు ఎవరు ఎంపికవుతారన్నది ప్రశ్నగా మారింది.
కార్పొరేట్ వర్గాల సమాచారం ప్రకారం, ప్రస్తుతం నోయెల్ టాటా పేరు ముందువరుసలో వినిపిస్తోంది. నోయెల్ టాటా, రతన్ టాటా సోదరుడు. ప్రస్తుతం ఆయన ట్రెంట్‌ గ్రూప్, టాటా ఇంటర్నేషనల్ వంటి కంపెనీలను నడిపిస్తున్నారు. మరోవైపు, మెహ్లీ మిస్త్రీ పేరు కూడా వినిపిస్తోంది. ఆయన మెహ్లీ పల్లోంజి గ్రూప్‌కి చెందినవారు, రతన్ టాటా కుటుంబానికి అత్యంత సన్నిహితులలో మెహ్లీ ఒకరు.
Tata Group, Ratan Tata, Noel Tata, Mehli Mistry, Tata Sons Leadership