మూవీడెస్క్: చందూ మొండేటి.. వరుస విజయాలతో మంచి గుర్తింపు తెచ్చుకున్న టాలెంటెడ్ డైరెక్టర్.
‘కార్తికేయ 2’ సినిమాతో తెలుగు సినిమా గర్వించే స్థాయికి చందూ చేరుకున్నారు. ప్రస్తుతం యంగ్ హీరో నాగ చైతన్యతో ‘తండేల్’ మూవీని తెరకెక్కిస్తున్నారు.
ఈ సినిమా ఉత్తరాంధ్ర ప్రాంతంలో జరిగిన మత్స్యకారుల నిజ జీవిత సంఘటనల ఆధారంగా రూపొందుతోంది.
ప్రమోషనల్ కంటెంట్ విడుదలతోనే ఈ సినిమాపై భారీ అంచనాలు ఏర్పడ్డాయి. ‘తండేల్’ వచ్చే సంక్రాంతికి విడుదల కానుందని టాక్.
అయితే ఈ సినిమా తర్వాత చందూ ఏ ప్రాజెక్ట్ చేయనున్నారన్న విషయంపై ఇంకా స్పష్టత లేదు.
కొద్దిరోజులుగా గీతా ఆర్ట్స్ నిర్మాణంలో మరో భారీ చిత్రం చేయనున్నారని ప్రచారం జరుగుతోంది. ఈ ప్రాజెక్ట్ బాలీవుడ్ స్టార్ హీరోతో పీరియాడికల్ డ్రామాగా రూపొందనుందని సమాచారం.
‘తండేల్’ పూర్తి చేసిన వెంటనే ఈ కొత్త ప్రాజెక్ట్‌లో చందూ బిజీ అవుతారని తెలుస్తోంది.
గీతా ఆర్ట్స్ ప్రస్తుతం చిన్న, మధ్యస్థాయి చిత్రాలకు దృష్టి సారించినప్పటికీ, ‘తండేల్’తో మళ్లీ భారీ బడ్జెట్ చిత్రాల బాట పట్టింది.
మరి చందూ మొండేటి బాలీవుడ్ హీరోతో చేసే ప్రాజెక్ట్ ఎలా ఉండబోతుందో చూడాలి.