మూవీడెస్క్: పవర్ స్టార్ పవన్ కల్యాణ్, ప్రకాష్ రాజ్ మధ్య రాజకీయ విభేదాలు గురించి తెలిసిందే.
గతంలో సనాతన ధర్మం, బీజేపీ మద్దతు వంటి అంశాలపై వీరిద్దరూ తరచూ ఒకరిపై ఒకరు విమర్శలు చేసుకున్నారు. ఈ కారణంగా వారిద్దరి మధ్య గ్యాప్ పెరిగింది.
అయితే, ఇప్పుడు వీరిద్దరూ కలిసి ఒకే సినిమాలో నటించడం హాట్ టాపిక్‌గా మారింది.
సుజిత్ దర్శకత్వంలో తెరకెక్కుతున్న ‘OG’ (ఒరిజినల్ గ్యాంగ్‌స్టర్) చిత్రంలో పవన్ కల్యాణ్ ప్రధాన పాత్రలో నటిస్తుండగా, ప్రకాశ్ రాజ్ కీలక పాత్రలో కనిపించబోతున్నాడు.
రామోజీ ఫిల్మ్ సిటీలో ప్రస్తుతం ఈ చిత్రం షూటింగ్ జరుపుకుంటోంది. ముఖ్యంగా, ఈ ఇద్దరి మధ్య ఫైట్ సీన్‌ను కూడా తెరకెక్కించబోతున్నారు.
ఇద్దరి మధ్య విభేదాలు ఉన్నప్పటికీ, పవన్-ప్రకాష్ రాజ్ లు గతంలోనూ ‘వకీల్ సాబ్’ చిత్రంలో కలిసి నటించారు.
ఇప్పుడు ‘OG’ చిత్రం వీరిద్దరి కలయికకు మరో వేదికగా మారింది. డీవీవీ ఎంటర్‌టైన్‌మెంట్స్ బ్యానర్‌పై దానయ్య నిర్మిస్తున్న ఈ సినిమాకు ఎస్ థమన్ సంగీతం అందిస్తున్నారు.