మూవీడెస్క్: ప్రస్తుతం పాన్ ఇండియా స్టార్‌గా ప్రభాస్ క్రేజ్ తారాస్థాయిలో ఉంది.
బడా మల్టీస్టారర్ ప్రాజెక్ట్స్‌తో ప్రేక్షకులను ఆకర్షించే ప్రయత్నంలో దర్శకుడు సిద్దార్థ్ ఆనంద్ తాజాగా ఓ భారీ చిత్రాన్ని ప్లాన్ చేశారు.
ఈ చిత్రంలో షారుఖ్ ఖాన్‌కు పక్కన మరో ప్రధాన పాత్ర కోసం ప్రభాస్‌ను తీసుకోవాలని సిద్దార్థ్ భావించారు.
అయితే, ప్రభాస్ మాత్రం ఈ ఆఫర్‌ను సింగిల్ సిట్టింగ్‌లోనే తిరస్కరించారు.
ఇటీవల సిద్దార్థ్ ఆనంద్ హిందీ చిత్రం పఠాన్ ఘనవిజయం సాధించిన తర్వాత, మల్టీస్టారర్ ప్రాజెక్ట్ కోసం క్రేజ్ పెరిగింది.
ఈ క్రమంలో సిద్దార్థ్ షారుఖ్ తో ప్రభాస్‌ను జత చేసే ఆలోచనలో ఉన్నా, ప్రభాస్ మాత్రం ఒప్పుకోలేదట.
ప్రభాస్ సోలో హీరోగా మాత్రమే ప్రాజెక్ట్‌లు చేయాలని డిసైడ్ అయినట్లు తెలుస్తోంది.
ఇక మల్టీ యూనివర్స్ కాన్సెప్ట్ కాకుండా సిద్దార్థ్ ఒక కొత్త కథతో రావాలని సూచించారు.
ప్రస్తుతం ప్రభాస్ మారుతి దర్శకత్వంలో రాజా సాబ్ మరియు హను రాఘవపూడి దర్శకత్వంలో ఫౌజీ చిత్రాలతో బిజీగా ఉన్నారు.
2025లో స్పిరిట్ (సందీప్ రెడ్డి వంగా) మరియు కల్కి 2 (నాగ్ అశ్విన్) కూడా ప్రారంభం కానున్నాయి.