మూవీడెస్క్: యంగ్ హీరో నాగచైతన్య ప్రధాన పాత్రలో నటిస్తున్న తండేల్ చిత్రంపై టాలీవుడ్‌లో భారీ అంచనాలు నెలకొన్నాయి.
ఉత్తరాంధ్రకు చెందిన మత్స్యకారుల కథ ఆధారంగా డైరెక్టర్ చందూ మొండేటి ఈ సినిమాను పాన్ ఇండియా స్థాయిలో తెరకెక్కిస్తున్నారు.
అల్లు అరవింద్ సమర్పణలో బన్నీ వాసు ఈ చిత్రాన్ని నిర్మిస్తుండగా, సాయి పల్లవి హీరోయిన్‌గా నటిస్తోంది.
ఇప్పటికే విడుదలైన ప్రమోషనల్ కంటెంట్ సినిమాపై ఆసక్తిని పెంచింది.
అయితే, సినిమా రిలీజ్ డేట్‌పై ఇంకా స్పష్టత లేకపోవడంతో అభిమానులు ఎదురుచూస్తున్నారు.
తొలుత డిసెంబర్ 20న విడుదల అవుతుందని వార్తలు వచ్చాయి, కానీ సెన్సార్ పనులు ఆలస్యం కావడంతో ఇప్పుడు సంక్రాంతి రిలీజ్‌కు అవకాశం ఉందని టాక్ వినిపిస్తోంది.
డైరెక్టర్ చందూ మొండేటి తాజాగా చేసిన వ్యాఖ్యలతో మరోసారి చర్చలు మొదలయ్యాయి.
జనవరి కోసం తాము సిద్ధంగా ఉన్నామని, సంక్రాంతి రేస్‌లో రామ్ చరణ్, బాలకృష్ణ, వెంకటేష్ చిత్రాలు ఉంటే, తండేల్ ని రిపబ్లిక్ డేకి వాయిదా వేయవచ్చని చందూ సూచించారు.
ప్రస్తుతం చిత్రానికి సంబంధించిన చివరి దశ షూటింగ్ మాత్రమే మిగిలి ఉంది. నాగచైతన్య కూడా ఈ చిత్రాన్ని ప్రతిష్టాత్మకంగా తీసుకున్నారు.
శ్రీకాకుళం యాసను నేర్చుకుని ప్రత్యేకమైన లుక్‌లో కనిపించబోతున్నారు.