ఆధ్యాత్మికం: కార్తికమాసం సమీపిస్తున్న తరుణంలో భక్తులు జ్యోతిర్లింగ దర్శనానికి ఆసక్తి చూపిస్తున్నారు. ఈ కోణంలో ఇండియన్ రైల్వే క్యాటరింగ్ అండ్ టూరిజం కార్పొరేషన్ (IRCTC) ప్రత్యేక ప్యాకేజీని అందుబాటులోకి తెచ్చింది. ‘మధ్యప్రదేశ్ మహా దర్శన్’ పేరుతో లభించే ఈ ప్యాకేజీ ద్వారా మధ్యప్రదేశ్‌లోని రెండు ప్రముఖ జ్యోతిర్లింగాలు – మహాకాళేశ్వర్ మరియు ఓంకారేశ్వర్ దర్శించుకోవచ్చు. నాలుగు రాత్రులు, ఐదు పగళ్ల ఈ ప్యాకేజీని హైదరాబాద్ నుంచి ఫ్లైట్ ద్వారా ప్రారంభిస్తున్నారు.
టూర్ విశేషాలు:
ఈ ప్యాకేజీ టూర్ హైదరాబాద్ నుంచి ఫ్లైట్ ద్వారా మొదలవుతుంది. మొదటి రోజు మధ్యాహ్నం 2:35 గంటలకు హైదరాబాద్ నుండి బయలుదేరి, నాలుగు గంటలకు ఇందౌర్ చేరుకుంటారు. అక్కడి నుండి ఉజ్జయినికి వెళ్ళి మహాకాళేశ్వర్ ఆలయాన్ని దర్శిస్తారు. ఉజ్జయినిలోని పలు ప్రముఖ ఆలయాలు – కాళభైరవ ఆలయం, సాందీపని ఆశ్రమం, మంగళనాథ్ ఆలయం తదితరాలను రెండవ రోజున దర్శనం చేస్తారు.
మూడో రోజు మహేశ్వర్‌లోని అహిల్యాబాయి హోల్కర్ ఫోర్ట్, నర్మదా ఘాట్ వంటి పుణ్యక్షేత్రాలను సందర్శించి, ఓంకారేశ్వర్ చేరుకుంటారు. నాలుగో రోజు తెల్లవారుజామున ఓంకారేశ్వర్ జ్యోతిర్లింగ దర్శనం చేయడం ప్రధాన ఆకర్షణ. ఆ తరువాత పీఠేశ్వర్ హనుమాన్ ఆలయం మరియు ఇందౌర్‌లోని అన్నపూర్ణ మందిర్, లాల్‌బాగ్ ప్యాలెస్ వంటి స్థలాలను ఐదవ రోజు సందర్శించి, సాయంత్రం 6:35 గంటలకు హైదరాబాద్‌కు రిటర్న్ జర్నీ స్టార్ట్ అవుతుంది.
ధర వివరాలు:
- సింగిల్ ఆక్యుపెన్సీకి రూ.35,450
- డబుల్ ఆక్యుపెన్సీకి రూ.28,950
- ట్రిపుల్ ఆక్యుపెన్సీకి రూ.27,900
- 5–11 సంవత్సరాల పిల్లలకు (విత్ బెడ్) రూ.25,750; (విత్ అవుట్ బెడ్) రూ.21,450
- 2–4 సంవత్సరాల పిల్లలకు (విత్ అవుట్ బెడ్) రూ.18,950
ప్యాకేజీలో కలిగిన సౌకర్యాలు:
- హైదరాబాద్ – ఇందౌర్ ఫ్లైట్ టికెట్స్
- హోటల్ బస
- 4 బ్రేక్‌ఫాస్ట్‌లు, 4 డిన్నర్‌లు
- AC టెంపో ట్రావెలర్ సైట్‌సీయింగ్
- ట్రావెల్ ఇన్స్యూరెన్స్
నవంబర్ 6 మరియు 20 తేదీల్లో అందుబాటులో ఉన్న ఈ ప్యాకేజీ గురించి పూర్తి వివరాలు మరియు బుకింగ్ కోసం ఈ లింక్‌పై క్లిక్ చేయండి.