మూవీడెస్క్: సెలబ్రిటీలపై సోషల్ మీడియాలో ట్రోలింగ్ గణనీయంగా పెరుగుతోంది. యంగ్ హీరో కిరణ్ అబ్బవరం కూడా ఈ ట్రోలింగ్‌కు గురయ్యాడు.
నాలుగేళ్లలో పలు సినిమాలు చేసిన కిరణ్, కొన్ని హిట్ అవ్వగా, కొన్ని కమర్షియల్‌గా ఫెయిలయ్యాయి. ఈ కారణంగా అతనిపై ట్రోల్స్ విరుచుకుపడుతున్నాయి.
తాజాగా, క సినిమా ప్రీ-రిలీజ్ ఈవెంట్‌లో కిరణ్ ఈ ట్రోల్స్‌పై సీరియస్‌గా స్పందించాడు.
ఇండస్ట్రీలోకి ఎలాంటి బ్యాగ్రౌండ్ లేకుండా, తన కష్టం, పట్టుదలతో వచ్చానని, షార్ట్ ఫిలిమ్స్ చేసి, బిగ్ స్క్రీన్‌కు చేరుకున్నానని వివరించాడు.
తనపై వచ్చిన “ఎంపీ కొడుకు,” “పొలిటికల్ బ్యాగ్రౌండ్” లాంటి ఆరోపణలను ఖండించాడు.
“సినిమాలు చేయడం నా అభిరుచి. నా మీద ట్రోల్ చేయడం మీకు ఎందుకంత అవసరం?” అని ప్రశ్నించిన కిరణ్, తన కష్టంతో ఎదుగుతున్నానని, ఏ స్థాయిలోనైనా ట్రోల్ చేయాలనుకునే ముందు ఒక్క క్షణం ఆలోచించాలని సూచించాడు.
కిరణ్ స్పందనపై సోషల్ మీడియాలో సపోర్ట్ పెరుగుతోంది.