మూవీడెస్క్: పవన్-త్రివిక్రమ్ శ్రీనివాస్ మధ్య స్నేహం, సినిమా పరిచయం అందరికి తెలిసిందే.
జల్సా నుంచి మొదలైన వారి కాంబో, పలు సినిమాల్లో ప్రేక్షకులను అలరించింది. గతంలో వచ్చిన అజ్ఞాతవాసి తర్వాత మరో సినిమా రాలేదు.
అయితే, త్రివిక్రమ్ భీమ్లా నాయక్కి డైలాగ్స్ మాత్రమే అందించారు.
ఇప్పటి నుంచి మెగా ఫ్యాన్స్‌కి ఒకే ఆశ – పవన్, త్రివిక్రమ్ మరోసారి కలిసి పని చేయాలి. ప్రస్తుతం టాలీవుడ్ యంగ్ ప్రొడ్యూసర్ నాగవంశీ ఇటీవల చేసిన వ్యాఖ్యలతో ఈ కాంబోపై ఆసక్తి పెరిగింది.
నాగవంశీ ఇటీవల ప్రెస్ మీట్‌లో 2029 ఎన్నికల కంటే ముందుగా ఒక పెద్ద స్టార్ హీరోతో పొలిటికల్ నేపథ్యంలో సినిమా చేయాలని ఆలోచనలో ఉన్నట్లు తెలిపారు.
ఈ వ్యాఖ్యలు బయటకు రాగానే పవన్-త్రివిక్రమ్ కాంబోను గురించి ఈ ప్రాజెక్ట్‌కి అన్వయిస్తూ ఫ్యాన్స్‌లో చర్చ మొదలైంది.
త్రివిక్రమ్ నెక్స్ట్ అల్లు అర్జున్‌తో సినిమా చేస్తున్న సంగతి తెలిసిందే. అది పూర్తయ్యాక, పవన్‌తో పొలిటికల్ బ్యాక్‌డ్రాప్ లో సినిమా చేసే అవకాశం ఉందని టాక్.