మూవీడెస్క్: జాతీయ అవార్డు గ్రహీత శేఖర్ కమ్ముల దర్శకత్వంలో తెరకెక్కుతున్న పాన్ ఇండియా సినిమా కుబేర, సూపర్ స్టార్ ధనుష్, కింగ్ నాగార్జున, రష్మిక మందన్నా ప్రధాన పాత్రల్లో నటిస్తున్నారు.
ఈ సినిమాలో అన్ని ప్రధాన పాత్రలకు సంబంధించిన లుక్ పోస్టర్లు, గ్లింప్స్ ఇప్పటికే ప్రేక్షకులను ఆకట్టుకున్నాయి.
తాజాగా చిత్ర బృందం దీపావళి కానుకగా విడుదల చేసిన పోస్టర్‌లో, ప్రతి పాత్రకు వేరే వేరే షేడ్స్ ఉండటం విశేషం.
పోస్టర్‌లో నాగార్జున ధనవంతుడిగా కాన్ఫిడెంట్‌గా కనిపిస్తుండగా, ధనుష్ పేదరికంలో ఉన్నా తనలోని ఆత్మవిశ్వాసాన్ని చూపిస్తున్నాడు.
రష్మిక పాత్రలో గాఢమైన బాధను హైలెట్ చేశారు. ఈ భిన్న పాత్రల మధ్య ఉన్న సమీకరణం సినిమాకు ప్రత్యేకతను అందించనుందని తెలుస్తోంది.
సినిమా షూటింగ్ దాదాపు పూర్తి కాగా, పాటల చిత్రీకరణ చివరి దశలో ఉంది. నవంబర్ 15న టీజర్ విడుదల చేయబోతున్నట్టు మేకర్స్ అనౌన్స్ చేశారు.
ఈ టీజర్‌లో ప్రధాన పాత్రల నేపథ్యాలను, కథాంశం గురించి మరింత వివరణగా చూపించనున్నారు.
కుబేర సినిమాను సునీల్ నారంగ్, పుస్కుర్ రామ్ మోహన్ రావు నిర్మిస్తుండగా, ప్రపంచ స్థాయి నిర్మాణ విలువలతో తెలుగు, తమిళ, హిందీ, కన్నడ, మలయాళ భాషల్లో విడుదల చేయనున్నారు.