ఐపీఎల్: యంగ్ ప్లేయ‌ర్లకు రికార్డు స్థాయి జీతాల పెంపు

ముంబై: ఇప్పుడిప్పుడే రాణిస్తున్న ప‌లువురు యంగ్ క్రికెట‌ర్ల‌కు ఐపీఎల్ 2025 రిటెన్ష‌న్‌లో భారీగా జీతాలు పెరిగాయి. ముఖ్యంగా, ధ్రువ్ జురెల్, మతీషా పతిరణ, రజత్ పాటిదార్, మయాంక్ యాదవ్ వంటి ఆటగాళ్లకు కోట్లు గుమ్మ‌రించిన ఫ్రాంచైజీలు, వీరి ప్రతిభపై ఉన్న న‌మ్మ‌కాన్ని చాటుకున్నాయి.

ధ్రువ్ జురెల్‌కి రాజ‌స్థాన్ రాయ‌ల్స్ ఏకంగా 6,900 శాతం శాల‌రీ పెంచి రూ. 20 ల‌క్ష‌ల నుండి రూ. 14 కోట్ల‌కు రిటైన్ చేయ‌గా, పతిరణ‌కు సీఎస్‌కే 6,400 శాతం పెంపుతో రూ. 13 కోట్లకు చేర్చింది.

ఇక, రాయ‌ల్ ఛాలెంజ‌ర్స్ బెంగుళూరు రజత్ పాటిదార్‌పై రూ. 11 కోట్లు ఖర్చు చేస్తే, ల‌క్నో సూప‌ర్ జెయింట్స్ మయాంక్ యాదవ్‌కి అదే మొత్తం ఇవ్వడం విశేషం.

ఈ ఇద్దరి శాల‌రీలు 5,400 శాతం పెరగడం గమనార్హం. సాయి సుద‌ర్శ‌న్ (గుజ‌రాత్ టైటాన్స్‌) రూ. 20 ల‌క్ష‌ల‌ నుంచి రూ. 8.50 కోట్ల‌కు, రింకూ సింగ్ రూ. 55 ల‌క్ష‌ల నుండి రూ. 13 కోట్ల‌కు పెరిగారు.

ఈ భారీ పెంపులు ఐపీఎల్‌లో ఆటగాళ్ల విలువను ఎంతగానో పెంచుతున్నాయి. ప్రతిభ ఉన్న యువ క్రికెట‌ర్ల‌ను రిటేన్ చేసుకుంటూ ఫ్రాంచైజీలు తమ భవిష్యత్తు విజయాలకు బాట వేస్తున్నాయి. ఈ సంచలనాత్మక రిటెన్ష‌న్లు ఐపీఎల్‌కు కొత్త ఉత్సాహాన్ని తెచ్చి, క్రికెట్ అభిమానుల్లో ఉత్కంఠను రేపుతున్నాయి.

Tags: IPL 2025, Young Players, Retention, Salary Hike, Franchise