మూవీడెస్క్: సాయి పల్లవి (SAI PALLAVI).. ‘ఫిదా’ సినిమా ద్వారా టాలీవుడ్ ప్రేక్షకులకు పరిచయం అయ్యి, తన స్వభావసిద్దమైన నటనతో మనసులు గెలుచుకున్నారు.
తెలుగులో విపరీతమైన ఫ్యాన్ ఫాలోయింగ్ సంపాదించి పక్కింటి అమ్మాయిలా మారిపోయారు.
పాత్రల ఎంపికలో సాయి పల్లవి చాలా జాగ్రత్తగా ఉంటారు, తాను నమ్మిన ఫార్మాట్ ను దాటకుండా, సెలెక్టివ్ గా సినిమాలు చేస్తూ వస్తున్నారు.
ఇప్పుడు ఆమె అమరన్ మూవీలో తన నటనతో అలరిస్తున్నారు.
ఈ చిత్రంలో శివ కార్తికేయన్ హీరోగా నటించగా, సాయి పల్లవి ఆయన సతీమణిగా కనిపించారు.
తెలుగు, తమిళ భాషల్లో దీపావళి కానుకగా విడుదలైన ఈ సినిమా మంచి టాక్ ను అందుకుంటోంది. తెలుగులో బాక్సాఫీస్ వద్ద ఓ రేంజ్ లో కలెక్షన్లు రాబడుతోంది.
తమిళంలో శివ కార్తికేయన్ సినిమా కాబట్టి మంచి వసూళ్లు రావడం సహజమే కానీ, తెలుగులోనూ దూసుకుపోవడం ఆశ్చర్యానికి గురిచేస్తోంది.
సాయి పల్లవి క్రేజ్ వల్లనే టాలీవుడ్‌లో అమరన్ సినిమాకు మంచి ఆదరణ లభిస్తుందని నెటిజన్లు అభిప్రాయపడుతున్నారు.
“సాయి పల్లవి క్రేజ్ అట్లుంటది మరి!” అంటూ కామెంట్స్ చేస్తున్నారు.
సమాజానికి దగ్గరైన కథాంశంతో ప్రేక్షకుల మనసుల్ని గెలుచుకునే సాయి పల్లవి తన నటనతో హృదయాలను హత్తుకుందనే అభిప్రాయాలు వినిపిస్తున్నాయి.