మూవీడెస్క్: టాలీవుడ్‌లో ఎప్పటికప్పుడు ప్రమోషన్ విధానాలు మారుతుండగా, ఇప్పుడు అక్కినేని నాగ చైతన్య తండేల్ తో కొత్త ట్రెండ్‌కు నాంది పలికాడు.
చందూ మొండేటి దర్శకత్వంలో వస్తున్న ఈ సినిమా, శ్రీకాకుళం ప్రాంతంలోని మత్స్యకారుడి జీవితం ఆధారంగా సాగనుంది.
పాకిస్థాన్‌లో జైలు జీవితం గడిపిన భారతీయ మత్స్యకారుడి కథగా ఉండడంతో, ఈ చిత్రంపై భారీ అంచనాలు ఏర్పడ్డాయి.
‘తండేల్’ గ్లింప్స్ వీడియో విడుదలతోనే ప్రేక్షకులలో ఆసక్తి పెరిగింది.
క్రిస్మస్‌ లేదా సంక్రాంతికి విడుదల అవుతుందని ప్రచారం జరిగినా, చిత్ర యూనిట్ అందరి అంచనాలను చెక్కుచెదరకుండా సినిమా రిలీజ్ డేట్‌ను ప్రత్యేక ఈవెంట్‌లో ప్రకటించింది.
ఫిబ్రవరి 7, 2025న ఈ సినిమా ప్రపంచవ్యాప్తంగా విడుదల కానుంది.
ఈ సందర్భంగా, నాగ చైతన్య సినిమా రిలీజ్ డేట్‌ను ప్రత్యేక ఈవెంట్‌లో ప్రకటించడం కొత్త పంథాగా మారింది.
గతంలో ‘సరైనోడు’తో అల్లు అర్జున్ ప్రీ-రిలీజ్ ఈవెంట్‌ను ప్రారంభించగా, ఇప్పుడు ‘తండేల్’ యూనిట్ విడుదల తేదీని ప్రకటించడం ద్వారా మరింత కొత్తగా ప్రమోషన్‌ను చేపట్టింది.
అల్లు అరవింద్ సమర్పణలో బన్నీ వాసు నిర్మిస్తున్న ఈ చిత్రంలో సాయి పల్లవి కథానాయికగా నటిస్తుండగా, దేవీ శ్రీ ప్రసాద్ సంగీతం అందిస్తున్నారు.