మూవీడెస్క్: ఐకాన్ స్టార్ అల్లు అర్జున్ పుష్ప 2 డిసెంబర్ 5న ప్రపంచవ్యాప్తంగా విడుదల కానుంది. ఈ సినిమా పై దేశవ్యాప్తంగా భారీ అంచనాలు నెలకొని ఉన్నాయి.
ప్రత్యేకంగా నార్త్ ఇండియాలో ఈ చిత్రం రికార్డ్ స్థాయి కలెక్షన్లు అందుకుంటుందని మేకర్స్ భావిస్తున్నారు. బాలీవుడ్‌లో అనిల్ తడాని ఈ సినిమాను విడుదల చేస్తున్నారు.
అయితే ఈ సినిమాకు పోటీగా బాలీవుడ్ స్టార్ విక్కీ కౌశల్ నటించిన ‘ఛావా’ డిసెంబర్ 6న రిలీజ్ అవ్వాల్సి ఉంది.
ఛత్రపతి శంభాజీ మహారాజ్ జీవిత కథ ఆధారంగా హిస్టారికల్ యాక్షన్ డ్రామాగా తెరకెక్కిన ‘ఛావా’పై కూడా మంచి అంచనాలు ఉన్నాయి.
‘పుష్ప 2’తో తలపడితే భారీ పోటీ ఉండబోతుందని అంతా ఊహించారు.
కానీ, ‘పుష్ప 2’తో పోటీ పడటం ప్రమాదకరం అని భావించిన ఛావా టీమ్ సినిమా రిలీజ్ డేట్ వాయిదా వేసినట్లు తెలుస్తోంది.
బిట్ టౌన్ లో ఈ వార్త హల్ చల్ చేస్తోంది, త్వరలోనే కొత్త రిలీజ్ డేట్ ప్రకటించనున్నారు.
దీనితో ‘పుష్ప 2’కి బాలీవుడ్ లో సోలో రిలీజ్ అవకాశం దొరికింది.
రష్మిక మందన ఈ రెండు సినిమాల్లో హీరోయిన్ కావడం విశేషం.
సోలో రిలీజ్ దొరకడం కలెక్షన్ల పరంగా ‘పుష్ప 2’కి భారీగా ఉపయోగపడుతుందని నిపుణులు అంచనా వేస్తున్నారు.