మూవీడెస్క్: ‘కార్తికేయ 2’తో పాన్ ఇండియా స్థాయిలో మంచి క్రేజ్ అందుకున్న నిఖిల్ సిద్ధార్థ్, ఇటీవల తన కొత్త సినిమా అప్పుడో ఇప్పుడో ఎప్పుడో తో ప్రేక్షకుల ముందుకొచ్చాడు.
కానీ ఆశించిన స్థాయిలో సినిమా ప్రమోషన్స్ లేకపోవడం, ఎలాంటి హడావుడి చేయకపోవడంతో ఈ సినిమాకి తగినంత రెస్పాన్స్ రాలేదు.
దివ్యాంశ కౌశిక్, రుక్మిణి వసంత్ హీరోయిన్స్ గా నటించిన ఈ చిత్రానికి సుధీర్ వర్మ దర్శకత్వం వహించారు.
ఈ సినిమా విడుదలకు ముందు టీజర్, ట్రైలర్ విడుదల చేసినా, పెద్దగా ప్రమోషన్స్ చేయకపోవడం, సడెన్ గా రిలీజ్ డేట్ ఫిక్స్ చేయడం పరిశ్రమలోని అనేక మందిని ఆశ్చర్యపరిచింది.
నిఖిల్ రేంజ్‌కు తగిన ప్రమోషన్లు లేకపోవడం వల్లే ఈ చిత్రానికి డల్ ఓపెనింగ్స్ వచ్చాయని అంటున్నారు.
100 కోట్ల మార్కెట్ ఉన్న హీరోగా భావించబడే నిఖిల్ సినిమాలకు తగిన ప్రమోషన్ ఉంటే, బజ్ కూడా పెరిగి మంచి ఓపెనింగ్స్ సాధించడం సాధ్యం అయ్యేది.
మరి ఈ సినిమాకి ఎందుకు సరైన ప్రమోషన్ జరగలేదు?
నిఖిల్ వంటి హీరోను పాన్ ఇండియా స్థాయిలో ఎదగాలనుకున్నప్పుడు ఆ స్థాయి ప్రమోషన్ చేయకపోవడం ఇప్పుడు చర్చనీయాంశంగా మారింది.