మూవీడెస్క్: ఇండియన్ సినిమా పరిశ్రమలో మరో కొత్త అధ్యాయం మొదలైంది. హోంబలే ఫిల్మ్స్, ఇండియన్ స్టార్ ప్రభాస్‌తో మూడు భారీ ప్రాజెక్టుల కోసం ఒప్పందం కుదుర్చుకుంది.
ఈ వార్త ప్రేక్షకుల్లో ఆసక్తిని రేకెత్తిస్తోంది. ప్రభాస్‌తో ఈ సరికొత్త ఒప్పందం హోంబలే ఫిల్మ్స్ రేంజ్‌ను మరో స్థాయికి తీసుకెళ్లనుంది.
సలార్ పార్ట్ 2తో మొదలుపెట్టి మరికొన్ని చిత్రాలను ఈ కాంబినేషన్‌లో తీయనున్నారు.
ప్రభాస్ ప్రస్తుతం సలార్ పార్ట్ 2, రాజా సాబ్, స్పిరిట్, కల్కి 2 వంటి సినిమాలతో బిజీగా ఉన్నాడు.
ఇక హోంబలే ఫిల్మ్స్ ఇప్పటికే కేజీఎఫ్, కాంతార లాంటి విజయవంతమైన చిత్రాలతో పాపులారిటీ సంపాదించింది.
ఈ కొత్త ఒప్పందంతో హోంబలే, ప్రభాస్ కలిసి ఇండియన్ సినిమా స్థాయిని మరింత పెంచాలని అనుకుంటున్నారు.
హోంబలే అధినేత విజయ్ కిరగందూర్ ఈ భాగస్వామ్యం గురించి మాట్లాడుతూ, “ప్రతి ప్రేక్షకుడికి చేరేలా మంచి కథలు చెప్పడమే మా లక్ష్యం” అన్నారు.
సలార్ పార్ట్ 2కు దర్శకుడు ప్రశాంత్ నీల్ కొనసాగుతుండటం ఈ ప్రాజెక్ట్‌పై మరింత ఆసక్తిని పెంచుతోంది.
ఇక ప్రభాస్ తదుపరి ప్రాజెక్టులపై అధికారిక ప్రకటనల కోసం ఫ్యాన్స్ ఎదురుచూస్తున్నారు.
ఈ మూడు చిత్రాల కాంబినేషన్ ఇండియన్ సినిమా ప్రపంచంలో మరో మైలురాయిగా నిలిచే అవకాశం ఉందని ఇండస్ట్రీ వర్గాలు భావిస్తున్నాయి.