మూవీడెస్క్: యంగ్ హీరో కిరణ్ అబ్బవరం తన తాజా సినిమా ‘క’ తో బ్లాక్ బస్టర్ హిట్ అందుకొని మంచి క్రేజ్ తెచ్చుకున్నాడు.
ఈ సినిమా వసూళ్లు అంచనాలను మించి ఉండటంతో కిరణ్ మార్కెట్ గాడిలో పడిందని చెప్పవచ్చు.
ట్రేడ్ పండితుల అంచనా ప్రకారం ఇది అతని కెరీర్‌లోనే పెద్ద హిట్ అవుతుందట.
ఈ సక్సెస్ తో జోష్ లో ఉన్న కిరణ్, ఇప్పుడు ‘దిల్ రుబా’ అనే మరో సినిమా విడుదలకు సిద్ధం అవుతున్నాడు.
‘క’ కంటే ముందే ఈ సినిమా షూటింగ్ పూర్తయింది. రుక్సార్ థిల్లాన్ హీరోయిన్‌గా నటించిన ఈ లవ్ స్టోరీ సినిమాను ప్రస్తుతం విడుదల చేసేందుకు సిద్ధం చేస్తున్నారు.
‘క’ హిట్ క్రేజ్ ‘దిల్ రుబా’కి కలిసి వస్తుందనే ఉద్దేశంతో ఈ నిర్ణయం తీసుకున్నారు. ఈ సినిమాలో కిరణ్ రొమాంటిక్ రోల్‌లో కనిపించబోతున్నాడు.
గతంలో గ్యాప్ లేకుండా వరుసగా సినిమాలు చేయడం వల్ల కిరణ్‌కి ఫ్లాప్స్ వచ్చాయి.
ఇప్పుడు ‘క’ విజయం తర్వాత కాస్త స్లోగా, కంటెంట్ మీద ఫోకస్ చేస్తే మంచిదని విశ్లేషకులు భావిస్తున్నారు.
మంచి కథలతో క్రమంగా కెరీర్‌ను నిర్మించుకోవడం కిరణ్‌కి సాంకేతికంగా మరింత బలం తీసుకురావచ్చని సూచిస్తున్నారు.