మూవీడెస్క్: పుష్ప 2 ది రూల్ కోసం అభిమానులు ఎంతో ఉత్కంఠగా ఎదురుచూస్తున్నారు.
అల్లు అర్జున్ ప్రధాన పాత్రలో, సుకుమార్ దర్శకత్వంలో రూపొందుతున్న ఈ చిత్ర ట్రైలర్ విడుదల తేదీ ఫైనల్ గా అనౌన్స్ చేశారు.
నవంబర్ 17న సాయంత్రం 6:03 గంటలకు విడుదల కానున్న ఈ ట్రైలర్, బిహార్‌లోని పాట్నాలో జరిగే ప్రత్యేక ఈవెంట్ లో విడుదలవుతోంది.
పోస్టర్ లో అల్లు అర్జున్ పుష్పరాజ్ యుద్ధానికి సిద్దమవుతున్నట్లు గంభీరంగా, తుపాకీతో కనిపించడం ట్రైలర్ పై అంచనాలు పెంచింది.
బ్లాక్ బస్టర్ “పుష్ప: ది రైజ్” తర్వాత, ఈ సీక్వెల్ పాన్ ఇండియా రేంజ్ లో భారీ విజయాన్ని సాధిస్తుందని అందరూ ఆశిస్తున్నారు.
పుష్పరాజ్ పాత్రలో రాజకీయ అంశాలు, పవర్‌ఫుల్ డైలాగ్స్ తో ఈ సినిమా మరింత ఎంటర్టైన్మెంట్ ను అందించనుందని సమాచారం.
మైత్రి మూవీ మేకర్స్ నిర్మిస్తున్న ఈ సినిమాకు దేవిశ్రీ ప్రసాద్ బదులుగా తమన్ బ్యాక్ గ్రౌండ్ స్కోర్ అందిస్తున్నట్లు టాక్.
డిసెంబర్ 5న సినిమా విడుదలకానుంది.