మూవీడెస్క్: నందమూరి బాలకృష్ణ (BALA KRISHNA) ప్రధాన పాత్రలో నటిస్తున్న డాకు మహారాజ్ సినిమా టీజర్‌తో భారీ అంచనాలు ఏర్పడ్డాయి.
బాబీ కోల్లి దర్శకత్వంలో వస్తున్న ఈ చిత్రంలో బాలయ్యను మునుపెన్నడూ లేని విధంగా స్టైలిష్‌గా, పవర్ఫుల్‌గా చూపించారని టీజర్ చూస్తేనే అర్థమవుతోంది.
ఇటీవల మీడియాతో మాట్లాడిన దర్శకుడు బాబీ, నిర్మాత నాగ వంశీ, సంగీత దర్శకుడు థమన్ సినిమాలోని ప్రత్యేకతలను పంచుకున్నారు.
ఇంటర్వెల్ సీన్ గురించి నాగ వంశీ మాట్లాడుతూ, బాలయ్య, బాబీ డియోల్ మధ్య వచ్చే సన్నివేశం ప్రేక్షకులకు గూస్‌బంప్స్ కలిగించేలా ఉంటుంది.
ఇది సినిమా హైలైట్‌గా నిలుస్తుంది. మొత్తం ఐదు ప్రధాన యాక్షన్ బ్లాక్స్‌లో ప్రతి సన్నివేశం మాస్ ప్రేక్షకులను ఆకట్టుకుంటుంది, అని చెప్పారు.
బాబీ మాట్లాడుతూ, ‘‘ఈ సినిమా పూర్తిస్థాయిలో మాస్ ఎంటర్టైనర్. టీజర్‌లో చూపించిన యాక్షన్‌లో ఎక్కడా డూప్ లేకుండా బాలయ్య స్వయంగా స్టంట్స్ చేశారు.
అర్ధరాత్రి 2 గంటలకు కూడా గుర్రంపై ఎక్కి యుద్ధ సన్నివేశాలు చేయడం చూసి ఆశ్చర్యపోయాం,’’ అని వెల్లడించారు.
సంక్రాంతి బరిలో రామ్ చరణ్ (RAM CHARAN) సినిమా కూడా ఉండడం గురించి బాబీ స్పందిస్తూ, ‘‘గతేడాది చిరంజీవి (CHIRANJEEVI) గారితో సంక్రాంతికి రాగా, ఈసారి బాలయ్య గారితో వస్తున్నాను.
పోటీ అనేది సహజం. అన్ని సినిమాలు విజయవంతం కావాలని కోరుకుంటున్నాను,’’ అని పేర్కొన్నారు.
మరోవైపు, థమన్ మాట్లాడుతూ, ‘‘సినిమాకు నా వంతు పని సమర్పణతో పూర్తి చేశాను.
బాలయ్య గారి ఫ్యాన్స్ అంచనాలను మించేలా మా బృందం కృషి చేసింది,’’ అని తెలిపారు.
సంక్రాంతి రేసులో బాలయ్య డాకు మహారాజ్ ప్రేక్షకులను ఎంతగానో అలరిస్తుందని చిత్రబృందం నమ్మకంగా ఉంది.