మూవీడెస్క్: వరుణ్ తేజ్ ప్రధాన పాత్రలో తెరకెక్కిన మట్కా (MATKA) భారీ అంచనాల మధ్య గురువారం ప్రేక్షకుల ముందుకు వచ్చింది.
గ్యాంబ్లింగ్ ప్రపంచం నేపథ్యంలో 1958-1982 మధ్య విశాఖపట్నం కథతో రూపొందిన ఈ పీరియాడికల్ డ్రామా, తొలుత ఆసక్తి రేకెత్తించినప్పటికీ బాక్సాఫీస్ వద్ద నిరాశపరిచింది.
డైరెక్టర్ కరుణ కుమార్ ప్రతిష్టాత్మకంగా తెరకెక్కించిన ఈ చిత్రానికి తొలి రోజు కేవలం రూ. 70 లక్షల వసూళ్లు మాత్రమే రావడం, వరుణ్ తేజ్ కెరీర్‌లో అతి తక్కువ ఓపెనింగ్స్ అందించిన చిత్రంగా నిలిచింది.
తెలుగు రాష్ట్రాల్లో థియేటర్ ఆక్యుపెన్సీ 15.71% మాత్రమే ఉండగా, విశాఖపట్నంలో 27.75% ఆక్యుపెన్సీ నమోదైంది.
చిత్రం లో వరుణ్ తేజ్ పాత్ర 24 ఏళ్ల వాసు జీవితాన్ని గ్యాంగ్‌స్టర్‌గా ఎదిగిన కథగా చూపిస్తుంది.
మీనాక్షి చౌదరి హీరోయిన్‌గా నటించగా, నోరా ఫతేహీ ఈ చిత్రంతో తెలుగు తెరకు పరిచయమైంది.
కానీ కంటెంట్ ఆడియెన్స్‌ను పూర్తిగా ఆకట్టుకోలేకపోవడం వల్ల, చిత్రం థియేటర్లలో సరైన బలాన్ని పొందలేకపోయింది.
సుమారు రూ. 45 కోట్ల బడ్జెట్‌తో తెరకెక్కించిన ఈ చిత్రానికి ప్రీ రిలీజ్ బిజినెస్ సేఫ్ జోన్‌లో ఉండేలా చేసినప్పటికీ, థియేట్రికల్ రన్‌లో కష్టాలు ఎదురవుతున్నాయి.
వరుణ్ తేజ్, గని, గాండీవదారి అర్జున్, ఆపరేషన్ వాలెంటైన్ వంటి చిత్రాల తర్వాత ఈ సినిమాతో హిట్ కొడతారని భావించినప్పటికీ, ఫలితం మారలేదు.
ఈ వారం చివరిదాకా మట్కా థియేటర్లలో నిలదొక్కుకోవడం కీలకం. మంచి వసూళ్లు సాధించకపోతే వరుణ్ తేజ్‌కు మరో పెద్ద నష్టంగా మారనుంది.
ప్రేక్షకులు ఈ సినిమా పట్ల ఎలా స్పందిస్తారో వేచి చూడాలి.