మహారాష్ట్ర: అసెంబ్లీ ఎన్నికల ప్రచారం ఉత్కంఠకు చేరుకుంది. బీజేపీ, శివసేన (ఏక్‌నాథ్‌ షిండే వర్గం), ఎన్సీపీ (అజిత్‌ పవార్‌ వర్గం) కూటమి తరఫున ఆంధ్రప్రదేశ్‌ డిప్యూటీ సీఎం, జనసేన అధినేత పవన్ కల్యాణ్ ప్రచారంలో పాల్గొన్నారు. మహారాష్ట్రలోని డెగ్లూర్‌లో జరిగిన బహిరంగ సభలో పవన్ కీలక వ్యాఖ్యలు చేశారు.
పవన్ మాట్లాడుతూ, సనాతన ధర్మ రక్షణ కోసమే జనసేన, శివసేనల ఉనికిని గుర్తు చేస్తూ, దేశాన్ని రక్షించుకోవడం అందరి బాధ్యత అని చెప్పారు.
శివాజీ మహరాజ్ పుట్టిన మహారాష్ట్ర గడ్డపై మాట్లాడటం తనకు గర్వకారణమని పేర్కొన్నారు. జాతీయ భావం, ప్రాంతీయ తత్వాన్ని కలిపి బలమైన సమాజం నిర్మించడమే తన ఉద్దేశమని తెలిపారు.
బాల్ఠాక్రే ఆశించిన ధైర్యం, పౌరుషం కలిగిన భారతదేశాన్ని నిర్మించడమే ప్రధాని మోడీ చేసిన రామమందిర నిర్మాణం ప్రతీక అని చెప్పారు. “విడిపోయి బలహీనపడతామా? లేదా కలిసి బలంగా నిలబడతామా?” అంటూ పవన్ ప్రజలను ఆలోచింపజేశారు.
ఈ ప్రచారంలో పవన్ కల్యాణ్ చేసిన వ్యాఖ్యలు మహారాష్ట్రలో సనాతన ధర్మ ప్రాధాన్యతను పునరుద్ధరించేందుకు జనసేన, శివసేన కట్టుబడి ఉన్నాయని స్పష్టం చేశాయి. మహారాష్ట్ర ఎన్నికల ఫలితాలపై ఈ వ్యాఖ్యలు ఏమేర ప్రభావం చూపిస్తాయో చూడాల్సి ఉంది.