తెలంగాణ: తిలక్ వర్మ టీమిండియా తరపున దక్షిణాఫ్రికాతో జరిగిన టీ20 సిరీస్‌లో అదరగొట్టాడు. ఈ సిరీస్‌ను టీమిండియా 3-0 తేడాతో గెలుచుకోగా, తిలక్ సిరీస్‌లో తన బ్యాటింగ్‌తో కీలక పాత్ర పోషించాడు.
రెండు శతకాలు సాధించి, దక్షిణాఫ్రికా బౌలర్లపై విరుచుకుపడిన తిలక్ సరికొత్త రికార్డులు సృష్టించాడు.
సిరీస్ విజయం అనంతరం కెప్టెన్ సూర్యకుమార్ యాదవ్‌తో తిలక్ వర్మ చేసిన సంభాషణ వీడియో సోషల్ మీడియాలో వైరల్ అవుతోంది. తిలక్ హెయిర్ స్టైల్‌పై సూర్య ఆసక్తికర వ్యాఖ్యలు చేశారు.
“ఏంటి పుష్ప 3లో నటించాలనుకుంటున్నావా? నీ హెయిర్ స్టైల్ అచ్చం అల్లు అర్జున్‌లా ఉంది,” అంటూ ఫన్నీగా ప్రశ్నించారు. దానికి తిలక్ సమాధానమిస్తూ, “ఇలా హెయిర్ పెంచుకోవటం నాకు ఇష్టం. చాలా మంది అల్లు అర్జున్‌లాగా ఉన్నావని అంటున్నారు. అయితే, నా దృష్టి మాత్రం క్రికెట్‌పైనే ఉంది,” అన్నారు.
ఈ ఫన్నీ సంభాషణ క్రికెట్ అభిమానులతో పాటు అల్లు అర్జున్ అభిమానులను కూడా ఆకట్టుకుంటోంది. ప్రస్తుతం దేశవ్యాప్తంగా పుష్ప ఫీవర్ నడుస్తుండటంతో, తిలక్ వర్మ పేరు సోషల్ మీడియాలో ట్రెండింగ్‌లో ఉంది.
ఈ వీడియోకు నెటిజన్లు భిన్నంగా స్పందిస్తున్నారు. “పుష్ప 3లో తిలక్ వెండితెరపై కనిపిస్తే ఆశ్చర్యం లేదని,” అంటూ ఫ్యాన్స్ కామెంట్లు చేస్తున్నారు.