మూవీడెస్క్: సూపర్‌స్టార్ మహేష్ బాబు, రాజమౌళి కలయికలో తెరకెక్కనున్న మెగా పాన్ వరల్డ్ మూవీ SSMB29 పై అంచనాలు రోజురోజుకీ మరింత పెరుగుతున్నాయి.
లేటెస్ట్ సమాచారం ప్రకారం, ఈ ప్రాజెక్ట్‌కి ఎగ్జిక్యూటివ్ ప్రొడ్యూసర్‌గా శోభు యార్లగడ్డ వ్యవహరించనున్నారు.
బాహుబలి సిరీస్ ద్వారా రాజమౌళి-శోభు కలయిక ఎంత పెద్ద విజయాన్ని సాధించిందో అందరికీ తెలిసిందే.
ఇప్పుడు అదే బలాన్ని మరోసారి ఈ ప్రాజెక్ట్‌కి ఉపయోగించనున్నట్లు సమాచారం.
శోభు యార్లగడ్డ భారీ బడ్జెట్ సినిమాలను మేనేజ్ చేయడంలోనూ, అంతర్జాతీయ మార్కెటింగ్ వ్యూహాలను రూపొందించడంలోనూ అనుభవజ్ఞుడు.
బాహుబలి, మర్యాదరామన్న వంటి చిత్రాలకు నిర్మాతగా పని చేసిన శోభు, RRR ప్రాజెక్ట్‌లో కూడా కీలక మద్దతును అందించారు.
దీంతో SSMB29కి శోభు ఏకైక ఎగ్జిక్యూటివ్ ప్రొడ్యూసర్ కావడం సినిమాపై మరింత ఆసక్తిని పెంచుతోంది.
ఈ ప్రాజెక్ట్ కోసం రాజమౌళి 1000 కోట్లకు పైగా బడ్జెట్‌ను ప్లాన్ చేసినట్లు వార్తలు వస్తున్నాయి.
అంత పెద్ద ప్రాజెక్ట్‌ను సక్రమంగా మేనేజ్ చేయడంలో శోభు కీలక పాత్ర పోషించనున్నారు.
పాన్ వరల్డ్ స్థాయిలో మార్కెటింగ్, డిస్ట్రిబ్యూషన్ వ్యూహాలను సమర్థంగా నిర్వహించేందుకు శోభు ముందంజలో ఉండబోతున్నారు.
ప్రస్తుతం ప్రీ ప్రొడక్షన్ పనులు వేగంగా జరుగుతున్నాయి.
ఈ సినిమా కథ ఆఫ్రికా అడవుల నేపథ్యంలో ఉండనుందని, ఇందులో ఉండే యాక్షన్ సీక్వెన్స్, వీఎఫ్ఎక్స్ ప్రపంచ స్థాయిలో ఉండాలని రాజమౌళి టార్గెట్ చేశారని తెలుస్తోంది.
అభిమానులు ఈ భారీ ప్రాజెక్ట్‌కి సంబంధించిన కొత్త అప్డేట్ కోసం ఆసక్తిగా ఎదురుచూస్తున్నారు.