మూవీడెస్క్: Kissik Song! ఐకాన్ స్టార్ అల్లు అర్జున్, సుకుమార్ కాంబినేషన్‌లో తెరకెక్కుతున్న పుష్ప-2 రిలీజ్‌కి రెడీ అవుతోంది.
డిసెంబర్ 5న ప్రపంచవ్యాప్తంగా ఈ సినిమా గ్రాండ్ రిలీజ్‌కు మేకర్స్ ప్లాన్ చేస్తున్నారు. ఇప్పటికే సినిమాపై భారీ అంచనాలు ఉన్నాయి.
ఫస్ట్ పార్ట్‌ని మించి సీక్వెల్ పెద్ద హిట్ అవుతుందనే ఆశతో ప్రేక్షకులు ఎదురుచూస్తున్నారు.
మ్యూజిక్ ప్రమోషన్స్‌లో భాగంగా ఇప్పటికే విడుదలైన సాంగ్స్ చార్ట్ బస్టర్స్‌గా నిలిచాయి.
తాజాగా చెన్నైలో జరిగిన ఈవెంట్‌లో యంగ్ బ్యూటీ శ్రీలీల, బన్నీ కలిసి చేసిన “కిస్సిక్” పాటను రిలీజ్ చేశారు. ఈ పాట నెట్టింట సెన్సేషన్ అవుతోంది.
“కిస్ కిస్ కిస్ కిస్సిక్.. కిస్సా కిస్సా కిస్సిక్” హమ్మింగ్ సోషల్ మీడియాలో తెగ వైరల్ అవుతోంది.
ఈ పాట దక్షిణాది పాటల రికార్డులను బ్రేక్ చేస్తూ, 18 గంటల్లోనే 25+ మిలియన్ వ్యూస్ సాధించింది.
రాక్ స్టార్ దేవిశ్రీ ప్రసాద్ కంపోజ్ చేసిన ఈ సాంగ్‌కు చంద్రబోస్ సాహిత్యం అందించగా, సుభ్లాషిణి ఆలపించారు.
గతంలో “ఊ అంటావా” సాంగ్‌కి వచ్చిన రిస్పాన్స్‌ను ఈ పాటతో పోలుస్తున్నారు. మొదట ట్రోల్స్ వచ్చినా, ఇప్పుడు కిస్సిక్ సాంగ్ ప్రేక్షకులను ఆకట్టుకుంటోంది.
మరి ఈ పాట ఎంత పెద్ద హిట్ అవుతుందో చూడాలి!