మూవీడెస్క్: పుష్ప 2: సినీ పరిశ్రమలో స్టార్ హీరోల రెమ్యునరేషన్ ఎప్పుడూ హాట్ టాపిక్. కానీ ఇలాంటి సమాచారం అధికారికంగా రావడం చాలా అరుదు.
తాజాగా, ఫోర్బ్స్ ఇండియా టాప్ 10 అత్యధిక రెమ్యునరేషన్ తీసుకున్న నటుల జాబితాను విడుదల చేసింది.
ఈ జాబితాలో ఐకాన్ స్టార్ అల్లు అర్జున్ అందరికంటే ముందున్నాడు. సమాచారం ప్రకారం, పుష్ప 2 ది రూల్ చిత్రానికి బన్నీ రూ.300 కోట్ల పారితోషికం తీసుకున్నారని తెలుస్తోంది.
ఇండియాలో ఏ హీరోకి అందని స్థాయిలో ఇది రికార్డ్ అని చెప్పాలి.
అతని తర్వాత విజయ్ (69వ చిత్రానికి రూ.275 కోట్లు), షారుఖ్ ఖాన్, రజనీకాంత్ (రూ.150-270 కోట్లు), ప్రభాస్ (రూ.100-200 కోట్లు), అజిత్, సల్మాన్ ఖాన్, కమల్ హాసన్ వంటి దిగ్గజాలు ఉన్నారు.
ఈ లిస్టు టాలీవుడ్ స్థాయి ఎంత పెరిగిందో స్పష్టంగా తెలియజేస్తోంది. పుష్ప 2 ది రూల్ నిర్మాణ ఖర్చు రూ.500 కోట్ల పైమాటే.
కానీ, థియేట్రికల్ మరియు నాన్ థియేట్రికల్ బిజినెస్ కూడా రికార్డు స్థాయిలో జరుగుతోంది.
డిసెంబర్ 5న విడుదలకు సిద్ధమైన ఈ సినిమా దేశవ్యాప్తంగా అంచనాలను తారాస్థాయికి తీసుకెళ్లింది.
ఇప్పటికే కిస్సిక్ దెబ్బలు పాట యూట్యూబ్‌లో రికార్డులు సృష్టించింది. ప్రీమియర్ల కోసం ప్రత్యేక ఏర్పాట్లు జరుగుతున్నాయి.
తెలుగు రాష్ట్రాల్లోనే కాకుండా తమిళనాడు, కర్ణాటక, కేరళలో సౌత్ సినిమాకు ఇంత క్రేజ్ రావడం ఇదే తొలిసారి.
పాజిటివ్ టాక్ వస్తే పుష్ప 2 రికార్డుల పరంపర మొదలవుతుంది.
సుకుమార్ దర్శకత్వంలో తెరకెక్కిన ఈ చిత్రం బన్నీని పాన్ ఇండియా హీరోగా మరో స్థాయికి తీసుకెళ్తుందనే నమ్మకం అభిమానుల్లో ఉంది.