మూవీడెస్క్: నేచురల్ స్టార్ నాని ప్రస్తుతం హిట్ 3తో బిజీగా ఉన్న విషయం తెలిసిందే. అయితే, ఈ మూవీ తర్వాత నాని, దసరా ఫేమ్ శ్రీకాంత్ ఓదెలతో మరో గ్రాండ్ ప్రాజెక్ట్ చేయబోతున్నాడు.
ది ప్యారడైజ్ అనే టైటిల్‌తో తెరకెక్కబోయే ఈ సినిమా 2025లో షూటింగ్ ప్రారంభం కానుంది. ప్రస్తుతం ప్రీప్రొడక్షన్ పనులు వేగంగా జరుగుతున్నాయి.
ఈ సినిమాకి సంగీత దర్శకుడిగా అనిరుద్ రవిచందర్‌ను ఇప్పటికే ఫైనల్ చేశారు. ఇక, కీలక పాత్రల కోసం దర్శకుడు శ్రీకాంత్ స్టార్ క్యాస్టింగ్‌కి మక్కువ చూపిస్తున్నారు.
తాజాగా, ఈ చిత్రంలో విలన్ పాత్రకు కలెక్షన్ కింగ్ మోహన్ బాబును తీసుకుంటున్నారని టాక్ వినిపిస్తోంది.
చాలా ఏళ్ల తర్వాత మోహన్ బాబు ఒక ప్రధాన హీరో సినిమాలో ప్రతినాయకుడిగా కనిపించబోతుండడం విశేషం.
నాని, మోహన్ బాబుల మధ్య స్క్రీన్‌పై క్లాష్ చూడటానికి ప్రేక్షకులు ఆతృతగా ఉన్నారు.
ఇక, ఈ సినిమాలో మరో సీనియర్ నటుడు కూడా కీలక పాత్రలో కనిపించనున్నాడని సమాచారం.
అయితే, అతను ఎవరు అనేది త్వరలోనే తెలుస్తుంది. అలాగే, హీరోయిన్‌గా బాలీవుడ్ నుంచి పేరు గల బ్యూటీని తీసుకోవాలని డైరెక్టర్ భావిస్తున్నారట.
జాన్వీ కపూర్ సహా పలు పేర్లు పరిశీలనలో ఉన్నాయని టాలీవుడ్ వర్గాలు చెబుతున్నాయి.
ది ప్యారడైజ్ పాన్-ఇండియా స్థాయిలో రూపొందనుండటంతో ఈ సినిమా బడ్జెట్ సుమారు ₹100-120 కోట్ల మధ్య ఉంటుందని భావిస్తున్నారు.
దసరాతో శ్రీకాంత్ ఓదెల మంచి పేరు తెచ్చుకున్నాడు. ఇప్పుడు నానితో మరోసారి గ్రాండియర్ ప్రాజెక్ట్ చేయబోతున్నాడు.