మూవీడెస్క్: ఐకాన్ స్టార్ అల్లు అర్జున్ ప్రధాన పాత్రలో సుకుమార్ దర్శకత్వంలో రూపొందిన పాన్ ఇండియా సినిమా పుష్ప 2: ది రూల్ గురించి కొత్త అప్డేట్ ప్రేక్షకులను ఉత్సాహభరితులుగా మార్చింది.
ఈ చిత్రం డిసెంబర్ 5న ప్రపంచవ్యాప్తంగా థియేటర్లలో విడుదల కాబోతుండగా, ఐమ్యాక్స్ ఫార్మాట్‌లో కూడా సందడి చేయనుందని మేకర్స్ ప్రకటించారు.
ఈ అప్డేట్ కోసం అభిమానులు ఎంతో కాలంగా ఎదురుచూస్తుండగా, తాజా పోస్టర్‌ సోషల్ మీడియాలో వైరల్ అవుతోంది.
ఈ పోస్టర్‌లో పుష్ప రాజ్ వైలెంట్ లుక్‌తో అందరినీ ఆకట్టుకుంటున్నాడు. బ్యాక్‌డ్రాప్‌లో కాంతులా మెరుస్తున్న రెడ్ టోన్ సినిమాకు ప్రత్యేక ఆకర్షణగా నిలిచింది.
ఐమ్యాక్స్ అనుభవం సినిమాను కొత్త ఎత్తుకు తీసుకెళ్లనుంది. ఈ ఫార్మాట్‌ అత్యుత్తమ థియేట్రికల్ అనుభవాన్ని అందించగలదని ఇండస్ట్రీ విశ్లేషకులు అభిప్రాయపడుతున్నారు.
హాలీవుడ్ లెవెల్ ప్రెజెంటేషన్‌తో ప్రేక్షకులకు త్రిల్లింగ్ అనుభూతిని ఇవ్వబోతోంది.
డిసెంబర్ 4న యుఎస్‌లో ప్రీమియర్ షోలు ప్రారంభం కానుండగా, డిసెంబర్ 5న భారతదేశంతో పాటు ప్రపంచవ్యాప్తంగా 12 వేల స్క్రీన్లలో విడుదలకు సిద్దమైంది.
ఇప్పటికే మ్యూజికల్ హిట్స్, టీజర్లు, యాక్షన్ సీక్వెన్స్‌లు సినిమాపై అంచనాలను అమాంతం పెంచాయి.
ముఖ్యంగా దేవిశ్రీ ప్రసాద్ అందించిన బ్యాక్‌గ్రౌండ్ స్కోర్ సినిమాకి సర్‌ప్రైజ్ ఎలిమెంట్‌గా నిలుస్తోంది.
ట్రేడ్ విశ్లేషకుల ప్రకారం, ఐమ్యాక్స్ అనుభవంతో యాక్షన్ మరియు ఎమోషన్ మరింత ఇన్‌టెన్స్‌గా అనిపించనుంది.
ఈ సినిమా పుష్ప ఫ్రాంచైజీకి కొత్త రికార్డులను తెచ్చిపెట్టే అవకాశం ఉంది. ప్రపంచవ్యాప్తంగా 1000 కోట్ల గ్రాస్ కలెక్షన్స్ అందుకోవడం ఖాయం అని ట్రేడ్ వర్గాలు ధీమాగా చెబుతున్నాయి.
డిసెంబర్ 5 నుంచి పుష్ప రాజ్ జాతర ప్రపంచవ్యాప్తంగా షురూ కానుంది.