యూఎస్: టెక్ దిగ్గజం ఎలాన్ మస్క్ మరో సంచలన ప్రాజెక్ట్‌తో ముందుకు వస్తున్నారు. “ఎక్స్ మెయిల్” పేరుతో కొత్త ఈమెయిల్ సేవను ప్రవేశపెట్టేందుకు మస్క్ సన్నాహాలు ప్రారంభించారు.
‘‘జీమెయిల్, ఇతర ఈమెయిల్ సేవలకు గట్టి పోటీని కల్పించేలా ఈ సేవ ఉండబోతోంది’’ అని మస్క్ తన సామాజిక మాధ్యమాల్లో వెల్లడించారు.
ప్రస్తుతం ఈమెయిల్ మార్కెట్‌లో యాపిల్ మెయిల్ 53.67% వాటాతో ముందంజలో ఉండగా, గూగుల్ జీమెయిల్ 30.70% తో రెండవ స్థానంలో ఉంది.
మిగతా విభాగాన్ని అవుట్‌లుక్, యాహూ మెయిల్ వంటి సేవలు ఆక్రమిస్తున్నాయి. ఈ విస్తృత పోటీ నేపథ్యంలో ఎక్స్ మెయిల్ ప్రవేశం ఈ రంగంలో కొత్త పోటీని తెచ్చే అవకాశం ఉందని నిపుణులు భావిస్తున్నారు.
మస్క్ ఇప్పటికే ఎక్స్ (మాజీ ట్విట్టర్) ద్వారా తన ప్రభావాన్ని విస్తరించారు. ఇప్పుడు “ఎక్స్ మెయిల్” సృష్టించడంతో పాటు “ఎక్స్ ఫోన్” వంటి ప్రాజెక్టులను ప్రారంభించేందుకు యోచిస్తున్నారు.
వినూత్న సాంకేతికత, మరింత సురక్షితమైన సేవలను అందించడం ద్వారా టెక్ ప్రపంచంలో తన స్థానాన్ని మరింత బలోపేతం చేయాలని మస్క్ లక్ష్యంగా పెట్టుకున్నారు. ‘‘ఎక్స్ మెయిల్’’ ప్రాజెక్ట్ ఎలా ఉండబోతుందో చూడటానికి టెక్ ప్రపంచం ఆసక్తిగా ఎదురు చూస్తోంది.