ముంబై: 2024లో హార్దిక్ పాండ్యా ఇంటర్నెట్‌లో అత్యధికంగా సెర్చ్ చేయబడిన భారత క్రికెటర్‌గా నిలిచాడు. ఈ ఏడాది పలు వివాదాలు, కీలక నిర్ణయాలు, క్రికెట్ అంశాలు హార్దిక్‌ను వార్తల్లో నిలిపాయి.
ముఖ్యంగా టీ20 ప్రపంచకప్ ఫైనల్‌లో కీలక ఓవర్ బౌలింగ్, ముంబై ఇండియన్స్‌కి కెప్టెన్‌గా బాధ్యతలు చేపట్టడం, తర్వాత కెప్టెన్సీ కోల్పోవడం, ఆయన వ్యక్తిగత జీవితం కూడా హాట్ టాపిక్‌గా మారాయి.
ఐపీఎల్ 2024కి ముందు ముంబై ఇండియన్స్ కెప్టెన్‌గా హార్దిక్ నియమితుడవడం అభిమానులకు నచ్చకపోవడంతో వాంఖడే స్టేడియంలో తీవ్ర వ్యతిరేకత ఎదుర్కొన్నాడు.
అంతేకాకుండా, టీ20 వరల్డ్‌కప్ తర్వాత భారత జట్టు కెప్టెన్సీ సూర్యకుమార్‌కు దక్కడం, హార్దిక్ వైస్ కెప్టెన్‌గా కూడా ఎంపిక కాకపోవడం ఆశ్చర్యకరంగా మారింది.
అంతేకాదు, హార్దిక్ తన భార్య నటాషా స్టాంకోవిచ్ నుంచి విడాకులు ప్రకటించడంతో ఈ అంశం సోషల్ మీడియాలో వైరల్‌గా మారింది.
పలు అంశాల కారణంగా నెటిజన్లు అతడిపై ఎక్కువగా ఆసక్తి చూపారు. 2024లో అత్యధికంగా సెర్చ్ చేయబడిన భారత క్రికెటర్‌గా హార్దిక్ పాండ్యా అగ్రస్థానంలో నిలిచాడు.